1 Meena a misena iyo bene Isilaeli mobakalinga kuyakila misumba, paciindi ico ndyebakaswa mucishi ca Ijipiti mumikowa yabo, kwiinda mubutanjilili bwakwe Mose aAloni, ngaaya.
Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.
Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.
Jakobo abamuŋanda yakwe ndibakaya kuIjipiti alimwi bene Ijipiti ndibakabapensha, bamashali bakulukulu abo bakalilila Mwaami Lesa ayi abacaafwe. Lyalo wakatuma Mose aAloni abo bakabakusha muIjipiti akubakalika mucishi cino.
Pesule ndakatuma Mose aAloni kuIjipiti. Ndakapensha bene Ijipiti kwiinda mushintu isho nshendakacita uko. Mboboobo nebo mbondakamukushaamo mucishi ico.
Lyalo wakabatanjilila akubeensha nshila ipopoloka ya kwiinda muluyanga kuya kuLweenge Lusalala. Bene Isilaeli bakalinga kucite shoonse shakulwanisha ndibakaswa mucishi ca Ijipiti.
Pabushiku bweenkoobo, Mwaami Lesa wakakusha mikowa ya bene Isilaeli mucishi ca Ijipiti.
Kuswawaawo bene Isilaeli bakanyamuka akutalika lweendo lwabo panshi, kuswa ku Lamesesi kuya kuSakoti. Bene Isilaeli basankwa bakalinga mpashi shuulu shili myaanda yosanwe alimwi awomwi, kutabelengelaako banakashi abanike.
Mose wakalinga kulemba liina lya musena uli woonse mpweenga bayakila misumba kweelana abwakaamba Mwaami Lesa.
Wakatuma Mose musebenshi wakwe, alimwi aAloni uyo ngwaakasala.
Aloni alimwi aMose mbobaabo Mwaami Lesa mbwaakaambila ayi, “Amutanjilile mikowa ya bene Isilaeli kuswa muIjipiti.”
Pabushiku myaaka iyo ili myaanda yone amakumi otatwe ndiyakamana, mikowa ya bantu ba Mwaami Lesa yoonse yakaswaamo mucishi ca Ijipiti.
