10 Pabushiku ubo Mwaami Lesa wakakalala akushomesha cakulumbila ayi,
Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?
Ndakashomesha cakulumbila kuli mbabo kaantambikite lyaansa mwiculu kabali muluyanga kwaamba ayi teshi nkabatole mucishi ico ncendakabashomesha. Nkokwaamba ayi cishi umo muli bubile abulongo bubotu ico ciinda cishi cimwi cili coonse kubota.
Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”
Mulaakufwa alimwi mituntu yanu ilaakwisulabo luyanga loonse luno mukwiinga mwantogooka. Taaku nabi womwi ucite myaaka makumi obilo ayiindaawo eshi akenjile mucishi ico.
Anu teshi bakenjile mucishi ico ncendakalasha bamashali babo bakulukulu. Pabaabo bakankaka taapu nabi womwi eshi akeeleshe kwinjilaamo.
Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi,
