Shakubelenga 31:23 - Baibo Busansulushi Bwa Libuku Ili

²³ alimwi acintu cimwi cili coonse ceenga cabula kupya, cilyeelete kusalashikwa kwiinda mumulilo. Lyalo ndyeenga caba cisalalite. Sombi shoonse ishi shilyeelete kusalashikwa amaanshi akusalashisha pantu pomwi ashintu shoonse shitakonshi kubikwa mumulilo.

Shakubelenga 31:23 교차 참조

Shakubelenga 19:9

Lyalo muntu usalalite kweelana aMilawo ulyeelete kuyola milota ya mpwishi iyo akwiibika pamusena usalalite kweelana aMilawo pansengwe lya misumba. Uko nkobeelete kwiilama bene Isilaeli ayi njakusebensesha pakubamba maanshi akusalasha kuswa kushibiibi.

Shakubelenga 19:17

“Ono kwaamba ayi kutasalala uku kumane, milota ya ŋombe isalala iyo yakatentwa ayi njakukushisha shibi ilyeelete kubikwa mumupika akubikamo maanshi abotu.

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.

1 Pita 4:12

Nomusunikwi, mutakankamani amulilo wa mapensho wamushikila mukumusunka. Mutayeeyi kwaamba ayi nceensu kupenshekwa boobo.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Shakubelenga 8:7

Mukucita boobo, ubasanseele maanshi asalasha akubalwiita ayi bakulule pamibili yabo yoonse alimwi bacape shakufwala shabo. Lyalo ndyeshi banoosalalite kweelana aMilawo.

Bene Lefi 15:17

Pacintu ca cisani cili coonse nabi cipaya mpeenga wawaalila cilyeelete kucapwa, nakubi boobo teshi cikanoosalalite kushikila macolesha.

Bene Lefi 11:32

Ono na mituntu yabo yalokela pacimwi cintu, acalo teshi cikanoosalalite. Cikani ici cilikumite kushintu sha cisamu, cisani, cipaya, nabi lisaka lya mulimo uli woonse. Cilyeelete kusumpwa mumaanshi, sombi teshi cikanoosalalite kushikila macolesha.

Shakubelenga 31:22

Golodi, silifa, bulonse, nshimbi, ceela, muntomfwe

Shakubelenga 31:24

Anu pabushiku bwasanu ashobilo, mulyeelete kucapa shakufwala shanu. Lyalo mulaakunoosalalite kweelana aMilawo alimwi mulaakusuminishikwa kwinjila mumisumba.”

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Kulonga 19:14

Lyalo Mose wakaseluka pakalundu akulwiita bantu ayi balibambile kulambila Lesa. Paceebo ceeci bakacapa shakufwala shabo,