Shakubelenga 31:2 - Baibo Busansulushi Bwa Libuku Ili

² “Upe mulandu bene Midyani paceeco ncebakacita kubene Isilaeli. Ono waakumana kucita boobo, ulaakufwa.”

Shakubelenga 31:2 교차 참조

Shakubelenga 27:13

Wamana kucibona, utoofwa bweenka bwakafwa mukwanu Aloni.

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”

Boomboloshi 2:10

Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Bene Ebulu 10:30

Mukwiinga tulimwishi uyo wakaamba ayi, “Amubaleeke ndime mboosha shishole, ndaakubapa milandu abalo.” Wakaamba alimwi ayi, “Mwaami ulaakoombolosha bantu bakwe.”

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Bene Loma 13:4

Ceebo mweendeleshi ngumusebenshi wakwe Lesa utoosebensela kucafwa ndiwe. Ono na ulacita shibiibi ncakwiila ulyeelete kumuloonda mukwiinga ulicite nkusu shakukupa mulandu. Anu mweendeleshi ngumusebenshi wakwe Lesa uyo upa mulandu bacita shibiibi mumusena wakwe Lesa.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Boomboloshi 16:24

Ono ciindi ndibakasangalala bakoolobesha ayi, “Amwiite Samusoni ese atusangalasheewo.” Aboobo bakamukusha muntolongo, kwisa mukubasangalasha. Ciindi bantu ndibakabona Samusoni bakalumbaisha lesa wabo. Bakaamba ayi, “Lesa wesu ngowaaba mulwani wesu mumaanseesu, uyo wakanyonyoola cishi cesu akucaya bantu baanji.” Bakamwiimika pakati ka macinko aŋanda ya lesa wabo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Shakubelenga 31:3

Aboobo Mose wakaambila bene Isilaeli ayi, “Amulibambile shakuya kunkondo kwaamba ayi mukalwaane abene Midyani akubapa mulandu paceeco ncebakacita kuMwaami Lesa.

Shakubelenga 25:6

Anu mwine Isilaeli umwi wakatola mwanakashi mwine Midyani mumusumba wakwe mumeenso akwe Mose abene Isilaeli boonse, paciindi ndibakalinga kulila pamulyango wa Tente ya Cipangano.

Shakubelenga 20:26

uko nkweshi ufuulile Aloni shakufwala sha bupailishi akufwalika Eliyasa. Aloni utoofwita kweenka uko.”

Shakubelenga 20:24

“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.

Kulonga 2:16

Lyalo banakashi bosanwe abobilo bana bakwe Jetulo mupailishi wa kuMidyani, bakaya kumukalo uyo mukuteka maanshi ayi besushe mankubala kwaamba ayi mbelele alimwi ampongo sha baishiwabo shinwe.

Matalikilo 25:17

Ishimaeli wakekala myaaka ili 137. Lyalo wakafwa.

Matalikilo 25:8

Wakafwa kaali paciimo cakwiinga ayi wakalya weenkula, amyaaka imweelete.

Matalikilo 15:15

Webo omwiine ulaakwikala buumi buswite kushika kubucembele, ulaakufwa muluumuno akubikwa.

Shakubelenga 25:1

Ono bene Isilaeli ndibakalinga kuShitimu, basankwa bakatalika kukumana abanakashi bene Moabu abo bakalingaako.

Shakubelenga 31:1

Mpeeke Mwaami Lesa wakaambila Mose ayi,

Dutolonomi 4:22

Ndaakufwita mucishi cino, teshi nkasubukeewo mulonga, sombi mwebo mulibo pafwaafwi kuusubuka kuya mukwinjila akubwesa cishi ca bulongo bubotu cilya.