Shakubelenga 31:15 - Baibo Busansulushi Bwa Libuku Ili

¹⁵ Wakabeepusha ayi, “Ceebonshi mwaleka banakashi boonse ayi banoocili boomi?

Shakubelenga 31:15 교차 참조

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

Jelemiya 48:10

“Aashinganishikwe uyo utasuni kusebensa ankusu ncito yangu neMwaami Lesa! Aashinganishikwe uyo utasuni kucaya amupeeni wakwe.”

Dutolonomi 2:34

Mpomunyaawo twakashinguluka mandabala oonse akwaanyonyoola. Twakacaya bantu boonse, nkokwaamba ayi basankwa, banakashi alimwi abanike, taaku ngotwakashiya kaali muumi.

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Joshuwa 11:14

Mumandabala ayo, bene Isilaeli bakabwesamo buboni ashifubwa shoonse. Sombi bakacaya bantu boonse bakalinga kwikalaamo. Taaku muntu nabi womwi wakapuluka.

Joshuwa 10:40

Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 8:25

Pabushiku ubo, basankwa abanakashi bakacaikwa bakalinga 12,000. Anu boonse bene Ai bakacaikwa.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.

Dutolonomi 20:13

Lyalo na Mwaami Lesa, Lesa wanu waaba ndabala iyo mumaansaanu, mukacaaye musankwa woonse uliimo.

Shakubelenga 31:14

Mpeeke Mose wakakalalila bamatanjilili ba bashilumamba nkokwaamba ayi bamatanjilili ba bali shuulu aba bali mwaanda, abo bakaswa kunkondo.

Dutolonomi 20:14

Ono banakashi, baana, shifubwa alimwi ashintu shoonse sheenga kashiliimo inga mwatoola. Mulakonsha kusebensesha shintu shoonse sha balwani banu ceebo Mwaami Lesa, Lesa wanu wamupa.