Shakubelenga 28:9 - Baibo Busansulushi Bwa Libuku Ili

⁹ “Ono pabushiku bwakookesha bwa Cibelu balyeelete kubenga bana ba mbelele bobilo basankwa bacite mwaaka womwi alimwi batacite kampenda, makilogilamu obilo a fulaulo upelekete usenkene amafuta a olifi ayi ncipo ca fulaulo pantu pomwi acipo ca cakunwa.

Shakubelenga 28:9 교차 참조

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Esekelo 20:12

Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Shakubelenga 28:8

Macolesha balyeelete kubenga mwanaambelele umwi ulya bweenka mbuli wamacuunsa pantu pomwi acipo ca cakulya alimwi aca cakunwa. Bweema bwa mulambu uyu bulansangalasha nebo neMwaami Lesa.

Shakubelenga 28:10

Mulambu wakutenta uyu ulyeelete kubengwa pabushiku bwakookesha bwa Cibelu bomwi abomwi kwiilika pamulambu wakutenta wa bushiku abushiku acipo ca nguwo ca cakunwa.

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Esekelo 46:4

“Ono pabushiku bwakookesha bwa Cibelu muleli ulyeelete kuleta bana ba mbelele basankwa bosanwe awomwi alimwi ambelele isankwa yomwi, shoonse kashitacite tumpenda ayi njimilambu yakutenta kuMwaami Lesa.

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

2 Makani 2:3

Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.