17 Lyalo pabushiku bwalikumi ashosanwe balyeelete kuba akusekelela kumwi kwanshiku shosanwe ashobilo. Munshiku isho balyeelete kulya cimaande.
Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa.
“Mulyeelete kulama bushiku bwakusekelela kulya cimaande. Kweelana ambondakamwaambila, mukanoolya cimaande kwa nshiku shili shosanwe ashobilo mumweenshi wa Abibu, ceebo ngomweenshi ngomwakaswa mucishi ca Ijipiti.
Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.
Panshiku shili shosanwe ashobilo, mulyeelete kulyabo cimaande, ono pabushiku bwasanu ashobilo, mulyeelete kusekelela kwaamba ayi mulemeke Mwaami Lesa.
