19 Mwaami ulaakuswa mubamulunyungu lwakwe Jakobo akunyonyoola baabo boonse bakalinga bapuluka.”
Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.
Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”
Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.
Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”
Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.
Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.
Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”
Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”
Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.
Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.
Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.
Mpomunyaawo wakaamba ayi, “Kwakalinga musankwa wakalinga kulemekwa uyo wakaya kucishi ca kulaale ayi akapekwe bwaami akuboolela alimwi.
Bene Edomu balaakukomwa bene Siya, balwani bakwe, abalo balaakukomwa sombi bene Isilaeli balaakutolelela kukoma.
Amane kwaamba boobo, Balaamu wakabona bene Amaleki anga muciloto akulaluka ayi, “Mushobo wa bene Amaleki wakalinga kucite nkusu kwiinda mishobo yoonse, Sombi kumeelelesho, ulaakunyonyooka cakumaninina.”
