Shakubelenga 21:25 - Baibo Busansulushi Bwa Libuku Ili

²⁵ Munshila iyi bene Isilaeli bakabwesa mandabala anene oonse a bene Amoli akwikalaamo, kubikaawo aEshiboni alimwi amandabala amwi oonse akalinga kushingulukite.

Shakubelenga 21:25 교차 참조

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Esekelo 16:53

Mwaami Lesa wakaambila Jelusalemu ayi, “Ndaakulengesha Sodoma abana bakwe banakashi alimwi aSamaliya abana bakwe banakashi kuswitilila. Ncakwiila awebo ndaakukulengesha kuswitilila pantu pomwi ambabo.

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.

Esekelo 16:46

“Munene wako mwanakashi nguSamaliya uyo ushiitile kulubasu lwa kumatwa abana bakwe banakashi. Mwanike wako mwanakashi nguSodoma uyo ubetele kumalenge abana bakwe banakashi.

Jelemiya 48:45

“Bantu abo beshi bakacice nkondo kucishi cine mishaabo, balaakweenkemanabo kuEshiboni ceebo mulilo ulaakunyaka mundabala iyo. Ulaakunyakila mukati mwiine muSiyoni akunyaka muya nyinsa alimwi apatulundu twa bene Moabu beshikulisumpula abo basuni kulwana.

Jelemiya 48:34

“Mibila yabo itoonyumfwika kuswa kuEshiboni kuya mukushika kuEleyale akuJaasi, kuswa kuSowa kuya mukweela akuOlonaimu aEgilati Shelishiya ceebo maanshi amuKalonga ka Nimulimu oonse ayuma.

Jelemiya 48:2

Cishi ca Moabu teshi cikalumbaishikweewo tubili. Mundabala ya Eshiboni bantu balaakupinga kubukila cishi ico. Balaakwaamba ayi, ‘Kamwisa tulobye mushobo uyu!’ Awebo ondabala ya Madimeni ulaakutontoshekwa, Makoto a bashilumamba alaakwisa mukukulwana.

Isaya 15:4

Bene Eshiboni abene Eleyale abalo batoolila. Maswi abo atoonyumfwika kuya mukushikabo akuJaasi. Paceebo ceeco bashilumamba bene Moabu batoolila cakooloma, ee, mumanungo mwatontola kuboowa.

Lwiimbo lwakwe Solomoni 7:4

Nshingo yako ili anga niŋanda ilaamfu ya meeca a nsofu. Meenso ako ali anga nshishiba sha Eshiboni shicanika kuMwinjililo wa kuBati Labimu. Nshono yako ili anga niŋanda ilaamfu ya kuLebanoni, iyo ilangene andabala ya Damasikasi.

Dutolonomi 2:12

Kalekale muEdomu mwakalinga kwikala Bene Oli, sombi bamulunyungu lwakwe Esau bakabatandaanyaamo. Bakanyonyoola cishi cabo akwikalaamo balo beene, bweenka abalo bene Isilaeli mbobakatanda balwani babo mucishi Mwaami Lesa ncaakabapa.

Shakubelenga 21:31

Mpeeke bene Isilaeli bakatalika kwikala mucishi ca bene Amoli,

Shakubelenga 21:26

Anu Eshiboni yakalinga njendabala inene ya mwaami Sioni wa bene Amoli, uyo wakalwana mwaami wa bene Moabu wakalingaawo kalekale akumunyaya cishi coonse kuya mukweela kuMulonga wa Anoni.

Boomboloshi 11:26

Bene Isilaeli bakekala kuEshiboni amishi ishingulukite, Alowa amishi ishingulukite amandabala anene oonse ali muya Mulonga wa Anoni myaaka ili myaanda yotatwe. Ceebonshi tookwe kubanyaya muciindi ico?

Shakubelenga 32:3

“Twaboona ayi ndabala ya Ataloti, Diboni, Jasa, Nimula, Eshiboni, Elile, Sibima, Nebo alimwi aBeyoni

Joshuwa 24:8

“ ‘Lyalo ndakamuleta mucishi ca bene Amoli abo bakalinga kwikala kwicwe lya Mulonga wa Joodani. Bakamulwana, sombi ndakabaaba mumaansaanu ayi mubakoome. Ndakalinga kuya cibanyonyoola kunembo lyanu tibili mwakabwesa cishi cabo coonse.