Shakubelenga 19:20 - Baibo Busansulushi Bwa Libuku Ili

²⁰ “Uyo woonse utasalalite kweelana aMilawo na wabula kulisalasha, teshi akanoosalalite ceebo maanshi akusalasha taakwe kusanseelwa pali nguwe. Muntu uyo ingayi wabisha Tente ya Cipangano cangu neMwaami Lesa alimwi teshi akanoociyeeyelwa kuba mulikoto lya bantu bangu.

Shakubelenga 19:20 교차 참조

Maako 16:16

Uyo woonse ushoma akubombekwa, ulaakupulushikwa. Sombi uyo utashomi, ulaakupekwa mulandu.

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Matalikilo 17:14

Musankwa uli woonse utana kupalulwa teshi anoociyeeyelwa kuba mulikoto lya bantu bangu, ceebo taakwe kulama cipangano cangu.”

Ciyubululo 22:11

Uyo woonse ucita shibiibi, ulyeelete kutolelela kubisha, awooyo ucita shintu shilensha nsoni, ulyeelete kutolelela kushicita. Alakwe uyo ucita shiluleme, ulyeelete kutolelela kushicita, awooyo usalalite, ulyeelete kunoosalalitebo.”

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

Shakubelenga 15:30

“Sombi muntu uli woonse ubisha kashanga, mwine Isilaeli nabi muswamashi, ulyeelete kuba amulandu wakuncobola nebo neMwaami Lesa. Aboobo ulyeelete kukushikwa kubantu bangu,

Bene Lefi 15:31

“Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Bene Lefi 17:16

Ono na wabula kucita boobo, ulyeelete kupekwa mulandu weelete.’ ”

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Bene Lefi 22:4

“ ‘Taaku wamulunyungu lwakwe Aloni uyo ucite manata nabi utooswa mashina kubusankwa, weelete kulya milambu isalalite kushikila akasalale kweelana aMilawo. Mupailishi woonse teshi akanoosalalite kweelana aMilawo na wakumya cintu cili coonse citasalalite ceebo cakakumya kumutuntu alimwi na waliwaalila,

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.