Shakubelenga 19:19 - Baibo Busansulushi Bwa Libuku Ili

¹⁹ Ono pabushiku bwatatu apabwasanu ashobilo, muntu usalalite kweelana aMilawo ulyeelete kusanseela maanshi pamuntu uyo utasalalite. Lyalo pabushiku bwasanu ashobilo ulyeelete kumusalasha. Alakwe na wamana kusalashikwa ulyeelete kucapa shakufwala shakwe akusamba pamubili, lyalo ulaba usalalite kweelana aMilawo pakwipila lisuba.

Shakubelenga 19:19 교차 참조

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Shakubelenga 19:12

Ulyeelete kulisalasha amaanshi akusalasha pabushiku bwatatu alimwi abwasanu ashobilo, lyalo ndyeenga waba muntu usalalite. Sombi na wabula kulisalasha pabushiku bwatatu abwasanu ashobilo, teshi akanoosalalite.

Bene Lefi 14:9

Ono pabushiku bwasanu ashobilo, ulyeelete kucesa misusu yakwe yoonse, kukulula ndesu, inkoye alimwi abooya boonse buli pamubili wakwe. Pesule ulaakucapa shakufwala shakwe alimwi akusamba pamubili. Mpeeke ulaakunoosalalite kweelana aMilawo.

Judi 1:23

Bamwi amubayokole mumulilo utamaani akubapulusha. Kuli bamwi beendeleshekwa ashiyanda mibili yabo shibiibi, amubanyumfwile nkumbu. Sombi mulyeelete kucenjela kwaamba ayi mutakoweli abuumi bwa bubi.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Shakubelenga 31:19

Ono mwebo noonse nomwacayawo muntu nabi kukumya mutuntu, mulyeelete kwikala pansengwe lya misumba kwanshiku shosanwe ashobilo. Pabushiku bwatatu abwasanu ashobilo mulyeelete kulisalasha pantu pomwi abanakashi abo mbomwacata.

Matalikilo 2:2

Pabushiku bwasanu ashobilo Lesa wakalinga kumanishite kale shoonse nshaakalinga kucita. Pabushiku ubo wakookesha.

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Shakubelenga 19:18

Cakutaanguna muntu usalalite kweelana aMilawo ulyeelete kubwesa fuute akuusumpa mumaanshi ayo akusanseela kumusumba akushintu shiliimo shoonse alimwi akubantu bakalingaamo. Kuboolaawo umwi usalalite kweelana aMilawo ulyeelete kusanseela maanshi ayo pamuntu uyo wakakumya cifuwa ca muntu, mutuntu nabi cuumbwe.

Bene Lefi 14:7

Ulaakusanseela bulowa mankanda osanwe aobilo pamuntu uyo utoosalashikwa kumanata, akumwaamba ayi ulisalalite. Mpeeke ulaakuleka muyuni muumi ayi aye muluundu.

Shakubelenga 31:24

Anu pabushiku bwasanu ashobilo, mulyeelete kucapa shakufwala shanu. Lyalo mulaakunoosalalite kweelana aMilawo alimwi mulaakusuminishikwa kwinjila mumisumba.”