Shakubelenga 18:7 - Baibo Busansulushi Bwa Libuku Ili

⁷ Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Shakubelenga 18:7 교차 참조

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Shakubelenga 3:10

Sombi ukabike Aloni alimwi abana bakwe basankwa pamulimo wa bupailishi. Ono umwi woonse eshi akeeleshe kucita mulimo uyu, ulaakucaikwa.”

Shakubelenga 18:20

Mpomunyaawo Mwaami Lesa wakaambila Aloni ayi, “Taaku cishi nceshi ukapekwe ayi ncaako mucishi ca Isilaeli, alimwi taaku shintu nsheshi ukapekwe anga njimikowa imwi. Nebo neMwaami Lesa ndime cipansha cako alimwi abuboni mboweelete kupyana pabene Isilaeli.”

Shakubelenga 16:40

kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.

Bene Ebulu 5:4

Taaku muntu usala kulipa bulemu bwakuba mupailishi munene, sombi nguLesa umwiita, bweenka mbwaakeeta Aloni.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.

Shakubelenga 3:38

Sombi Mose aAloni alimwi abana bakwe basankwa bakalinga kuyaka misumba yabo kwicwe kunembo lya Tente ya Cipangano. Balo mulimo wabo wakalinga wakusebensela bene Isilaeli muMusena Usalalite. Muntu umwi uli woonse wakeelesha kucita mulimo uyu wakalinga kucaikwa.

Shakubelenga 1:51

Lyoonse pakulonsha Tente ya Cipangano, bene Lefi balyeelete kukulula Tente akuya mukwiiyaka pamusena umwi upya. Umwi uli woonse weenga wasena kufwaafwi aTente ulaakucaikwa.

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Kulonga 29:9

balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.

Mateyo 10:8

Mukashilike balwashi, mukabushe bafu, akushilika bashimanata, alimwi akukusha bashikaswa. Mwapekwabo, amwebo mukapebo.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.

Kulonga 28:1

“Ono ita Aloni mukwanu alimwi abana bakwe basankwa, Nadabu, Abiyu, Eliyasa alimwi aItama. Ubapatule kuswa mubene Isilaeli kwaamba ayi bakansebensele mulimo wa bupailishi.

Shakubelenga 18:3

Balyeelete kunookusebensela alimwi akunoocita milimo imwi yoonse ya muTente, sombi tabeelete kusena pafwaafwi ashintu shisalalite muMusena Usalalite nabi kucipaililo. Na bakasene pafwaafwi, balo amwebo noonse mulaakufwa.

Dutolonomi 18:2

Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Joshuwa 18:7

Nacibi boobo bene Lefi balo teshi bakapekwewo cishi cinebo mbuli ndimwe noonse, mukwiinga cipansha cabo nkusebensela Mwaami Lesa mulimo wa bupailishi. Mukowa wakwe Gadi, Lubeni alimwi amusa wa mukowa wakwe Manase bakapekwa kale cishi cinebo kwicwe lya Mulonga wa Joodani, ico cakabapa Mose musebenshi wa Mwaami Lesa.”

Esekelo 44:8

Mumusena wakusebensa mulimo wabo wakulama shintu shangu shisalalite muŊanda yangu, balo bakalekela baswamashi ayi beendeleshe mbabo sha mumusena wangu Usalalite.

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Esekelo 44:16

Balo beenkabo mbobeelete kwinjila muŊanda yangu, balo beenka mbobeelete kusebensela kucipaililo cangu alimwi mbobeeletebo kunsebensela kunembo lyangu akweendelesha kulambila kwa muŊanda yangu.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Kulumbaisha 115:10

Amucinke manungo muMwaami Lesa mwebo nobamulunyungu lwakwe Aloni, ngoomucafwa alimwi ndyeliyawo lyanu.