Shakubelenga 16:15 - Baibo Busansulushi Bwa Libuku Ili

¹⁵ Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

Shakubelenga 16:15 교차 참조

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

Bene Efeso 4:26

Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

1 Bene Kolinto 9:15

Ono nebo nshikwe kusebenseshaawo nkusu ishi alimwi nshintoolemba sheeshi kwaamba ayi ntalike kushisebensesha, sobwe. Inga cabota kufwa kwiinda kwaamba ayi umwi muntu walengesha ceeco ncendisumpwitaawo kubula mpindu.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

Kulonga 32:19

Ono Mose ndyaakashika pafwaafwi amisumba akubona mucende mwaana alimwi abantu bakalinga kushana, wakakalala abuumbi. Mpomunyaawo panshi lya kalundu, mabwe apampamene ayo ngaakalinga kucite wakaawaala panshi, akupwaika.

Shakubelenga 16:16

Kuswawaawo Mose wakaambila Kola ayi, “Ciilo, webo alimwi abaabo batookukonkela bali 250 mukese kuTente ya Cipangano. Aloni alakwe ulaakunooliiko.

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?