Shakubelenga 13:33 - Baibo Busansulushi Bwa Libuku Ili

³³ alimwi twakabona abantu bapolomene, bamulunyungu lwakwe Anaki. Swebo twakalinga kulibona kuceya anga mbateete, alimwi ncakwiila mbotwakalinga kuboneka mbweeke ubo kuli mbabo.”

Shakubelenga 13:33 교차 참조

Dutolonomi 1:28

Nceebonshi nceenga twaitako uko? Twaloonda. Basankwa mbotwakatumaako bakatulwiita ayi bantu bali kooko balishimpite alimwi mbalaamfu abuumbi kwiinda ndiswe. Balekala mumandabala anene acite lubumbu lulaamfu abuumbi. Bakabonaako abamulunyungu lwa bantu bapolomene beetwa ayi Anakimu!’

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Matalikilo 6:4

Munshiku isho akunembo, kwakalinga basankwa abanakashi bapolomene pacishi ca panshi abo bakashalwa kubanakashi bakeebwa kubana bakwe Lesa. Mbobaabo bakalinga kupukite kuciindi ca nkondo alimwi bakalinga nshenkalakata shiindaawo.

1 Samwelo 17:42

Mwine Filisiti uyo ndyaakalanga akucana kwaamba ayi nguDefedi, mwanike mubotu ciwa alimwi wiimfwi kabotu, wakamunyansha.

Dutolonomi 9:2

Bantu baliimo mbalaamfu alimwi mbeshinkusu. Bantu abo mbamulunyungu lwakwe Anaki. Mwakanyumfwaawo kacaambwa ayi, ‘Anu ngani weenga walwana abamulunyungu lwakwe Anaki?’

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

1 Makani 11:23

Musankwa eenka uyo wakacaya mwine Ijipiti mulaamfu kwiinda pamamita obilo alimwi ushimpite uyo wakalinga kucite alisumo. Benaya wakaya wamulwana kaacitebo nkoli. Pakulwana Benaya wakamusompola lisumo lyakwe ilyo akumucaishaako mwiine.

Dutolonomi 2:10

Kalekale, mundabala inene ya Ali mwakalinga lusubo lwa bantu bapolomene bakalinga kwiitwa ayi Emimu. Bakalinga balaamfu anga mbaAnakimu, lusubo lumwi lwa bantu bapolomene.

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Shakubelenga 13:28

Sombi bantu bekalaamo balicite nkusu, amandabalaabo anene nganene abuumbi alimwi alicite malinga abotu. Teshi ceeco ceenka, sombi twakacana abamulunyungu lwa bantu bapolomene nkomunya uko.

Shakubelenga 14:1

Ono mashiku oonse bantu bakalila cakuungumana abuumbi.

Joshuwa 11:21

Paciindi ico Joshuwa wakaya mukunyonyoola bantu bapolomene bakalinga kwiitwa ayi bene Anaki mucishi ca tulundu ca Ebuloni, Debe alimwi aAnabu, kuswa kucishi ca tulundu coonse ca Juda alimwi aca Isilaeli. Joshuwa ncakwiila wakabanyonyoola boonse pantu pomwi amandabalaabo anene.

Joshuwa 14:12

Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

Joshuwa 15:14

Mpeeke Kalebu wakatanda bamulunyungu lwakwe Anaki botatwe kuswa mundabala inene ya Ebuloni. Wakatandamo Sheshayi, Ayimani alimwi aTalimayi, bamulunyungu lwakwe Anaki.

1 Samwelo 17:24

Bashilumamba boonse ba bene Isilaeli ndibakamubona bakamucica boonse cakuloonda abuumbi.