9 Ono na kwaba mume pamisumba mashiku, mana aalo ndyaakalinga kuloka.
Bakasenga cakulya, lyalo Mwaami Lesa wakabapa bakancele, wakabapa cakulya cakaswa kwiculu kwaamba ayi bakute.
Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.
Bantu bakalinga kuya cibwesa macuunsa alimwi akupela nabi kutwa muncili. Mana ayo bakalinga kwaatelekabo nabi kupangaamo shili anga nshimaande. Mpeeke akalinga kunyumfwika anga ngushinkwa wakapangwa amafuta a olifi.
Mose wakanyumfwa bantu boonse kabatongooka ndibakalinga kwiimfwi mumikowa mikowa pamilyango ya misumba yabo. Wakapenshekwa mumoyo mukwiinga Mwaami Lesa wakabakalalila.
