2 Mpomunyaawo bantu bakalilila Mose ayi abacaafwe. Alakwe wakapaila kuMwaami Lesa, lyalo mulilo uyo wakashimika.
Ndibakabona boobo, bakesa kuli Mose akwaamba ayi, “Twakabisha nditwakatongookela Mwaami Lesa alimwi amwebo. Ono amupaile kuMwaami Lesa.” Aboobo Mose wakabapaililaako.
Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.
Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.
Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.
Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”
Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.
Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”
Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!
Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”
Aboobo Lesa wakaamba ayi utoobanyonyoola. Sombi Mose, musebenshi wakwe ngwaakasala, wakeemikana pameenso akwe kwaamba ayi atabanyonyooli mubukali bwakwe.
Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”
wakaambila Mose ayi, “Ndapapaata nkambo, ayi mutatulengeshi kuba amulandu uyu ceebo ca cibiibi ca buluya bwesu.
Lyalo Mose wakalilila Mwaami Lesa ayi, “NobaLesa, amumushilike!”
Mpomunyaawo Mose wakashiya mwaami Falawo, akuya mukupaila kuMwaami Lesa.
