Sekaliya 9:6 - Baibo Busansulushi Bwa Libuku Ili

⁶ Baswamashi mbweshi bakekale muAshidodi. Ncakwiila ndaakumanisha kulisumpula kwa bene Filisiti.

Sekaliya 9:6 교차 참조

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

Sefaniya 2:10

Munshila iyo bene Moabu abene Amoni balaakupekwa mulandu ceebo ca kulisumpula kwabo pakutukana akuweluluka bantu ba Mwaami Lesa Shinkusu shoonse.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Isaya 28:1

Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.

Isaya 23:9

Mwaami Lesa Shinkusu shoonse ngowakapinga kucita cintu ici. Wakaciyeeya kwaamba ayi amane kulisumpula kwabo pashintu nshebakacita akunyaya bulemu bantu abo bakalinga kulemekwa cishi coonse.

Shikushimikila 6:2

Lesa ulapa muntu bubile, buboni alimwi abulemu, kwaamba ayi abe ashintu shoonse nshaasuni. Sombi Lesa taamuleeki kwaamba ayi asangalale muli nshisho. Muntu umwi ngweshi akasangalalileemo mumusena wakwe. Ici acalo taaku mbocibete. Mbubi bucisisha moyo.

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Sefaniya 2:4

Ndabala ya Gasa balaakwiishiya, ayalo ndabala ya Ashikeloni ilaakuba matongo. Lisuba lyakushika pakati ka mutwi bene Ashidodi balaakutandaanishikwa ayalo ndabala ya Ekiloni ilaakumwayululwa.

Sekaliya 9:5

Mwaami Lesa waamba ayi, “Bene Ashikeloni balaakucibona akuloonda. Bene Gasa balaakunoosalookabo kumyoyo kucisa. Abalo bene Ekiloni balaakunoocita bweenka ubo ceebo kulangila kwabo kwashimingana. Ncakwiila bene Gasa balaakubula mwaami. Ndabala ya Ashikeloni ilaakucaalabo kwakubula bantu.

Sekaliya 9:7

Teshi bakalyewo tubili bulowa nabi shintu shimwi shikashikwa mumilomo yabo. Lyalo abo beshi bakacaaleewo, balaakuba bantu bangu neLesa. Balaakuba bamatanjilili muJuda. Mpeeke cakacitikila bene Jebusi cilaakucitikila bene Ekiloni.