Sekaliya 8:12 - Baibo Busansulushi Bwa Libuku Ili

¹² “Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Sekaliya 8:12 교차 참조

Dutolonomi 33:13

Kumukowa wakwe Josefu wakaamba ayi, “Mwaami Lesa aape cishi cabo coolwe kwiinda mukubapa mfula kuswa kwiculu, akwiinda mukubapa maanshi aswa panshi.

Matalikilo 27:28

Lesa aakupe mume kuswa kwiculu akulengesha myuunda yako kuba amboleshi! Aakupe shili anga ngamaila shiinji awaini uunji.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Sekaliya 8:6

Mwaami Lesa Shinkusu shoonse waamba ayi, “Ici inga caboneka kuyuma kubaabo beshibakacaaleewo, sombi tacikoonshi kunjumina anebo. Nebo neMwaami Lesa Shinkusu shoonse ndaamba.”

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Agayi 1:10

Nceececo liculu talitoolosha mfula abwalo bulongo tabutoomupa shakulya.

Jowelo 2:22

Nobanyama ba muluundu mutaloondi. Mafulo asonsa mweemfu. Shisamu shatalika kucata shisepo alimwi shisamu sha nkuyu asha minyansa shacata shisepo shiinji.

Jemusi 3:18

Peculu lya waawo mbeshiluumuno abo bali anga batooshanga mbuto muluumuno, balatebula bululami.

1 Bene Kolinto 3:21

Ono anu taaku muntu weelete kulisumpula ceebo ca sheesho shicita bantu. Mukwiinga shintu shoonse nshanu.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Esekelo 36:30

Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.

Isaya 61:7

Pamusena wakwaamba ayi bantu bakwe balenshekwe nsoni, shoolwe shilaakunoosa mambili kuli mbabo. Ncakwiila pamusena wakwaamba ayi basebaanishikwe, balaakunoosangalalabo mucishi ncebakapekwa. Balaakunokwaabilwa shipansha nshobilo mucishi cabo. Lyalo balaakunoosangalala kwalyoonse alyoonse.

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Matalikilo 26:12

Isaki wakalima mucishi ico alimwi mwaaka uyo wakatebula shili mwaanda kwiinda pasheesho nshaakashanga, mukwiinga Mwaami Lesa wakamupa coolwe.

Esekelo 36:12

Ndaakulengesha bantu, ee, bantu bangu bene Isilaeli kweendaana pali ndimwe. Mwebo mulaakuba cishi cabo. Amwebo teshi mukaalilwewo tubili kupa bana babo shakulya.’

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Kulumbaisha 72:3

Cishi ca tulundu ici aciletele bantu banu lusumpuko. Bantu bekalaamo abeende mubululami.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Bene Lefi 26:3

“Na munookala kweelana amilawo yangu alimwi amilasho yangu,

Kulumbaisha 85:12

Mwaami Lesa ulaakutupa shintu shibotu. Ncakwiila cishi cesu cilaakucata shishango shiinji.

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Agayi 2:18

Sunu bulya mbushiku bwamakumi obilo anshiiku shone mumweenshi wasanu ayone. Bushiku buno lwiimbi lwa Ŋanda yangu lwamana kuyakululwa. Ono amulindile mubone ceshi cicitike kuswa ciindi cino.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Esekelo 34:28

Teshi bakasaalweewo tubili kumishobo imwi nabi na kulikwa kubanyama ba muluundu. Balaakwikala kwakubula cakulisukama alimwi taaku muntu weshi akabaloondesheewo.

Esekelo 36:9

Ndi kulubasu lwako, aboobo ndaakukubikaako maano kwaamba ayi ukaliimwe akushangwa.

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.