Sekaliya 7:14 - Baibo Busansulushi Bwa Libuku Ili

¹⁴ Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Sekaliya 7:14 교차 참조

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Jelemiya 23:19

Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Sekaliya 2:6

Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.

Sefaniya 3:6

Mwaami Lesa waamba ayi, “Ndanyonyoola mishobo imwi ya bantu. Ndapwayoola shiyubilo shabo shiyumu. Ndashiya mikwakwa yabo kaayumwitebo, ee, taaku muntu nabi womwi wiindaamo. Ndanyonyoola mandabala abo. Taamu muntu nabi womwi wacaalaamo.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Danyelo 8:9

Pakati ka meeca one ayo, kuliica lyomwi kwakamena liica limwi. Nkusu sha liica ilyo lyakamena shakamwaikila kumalenge, kwicwe alimwi akucishi cibotu.

Jelemiya 52:30

Mumwaaka wamakumi obilo amyaaka yotatwe wa bwaami bwakwe, Nebusaladani mutanjilili wa beshikulindilila mwaami wakatola busha baJuda bali 745. Boonse pantu pomwi bakalinga 4,600.

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Jelemiya 36:19

Lyalo bacinenenene bakaambila Baluki ayi, “Webo aJelemiya mulyeelete kuya mukuyuba. Kutabi muntu nabi womwi weshi eshibe nkomubete.”

Jelemiya 30:23

Amubone, bukali bwa Mwaami Lesa bulaakubabo anga ncipuupu ciyoosha, ee, bulaakubabo anga nkapupuulwa ako katooshingulukabo pamitwi ya bamucita shibi.

Jelemiya 5:15

Mwebo nobene Isilaeli, ntooleta mushobo kuswa kushishi shakulaale kwisa mukumulwana. Ee, ntooleta mushobo ukulukulu ucite nkusu. Ngumushobo wa bantu baamba mulaka ngomuteshi alimwi bacite myaambo njemutanyumfwi.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

2 Makani 36:21

Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Bene Lefi 26:22

Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Isaya 60:15

“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 12:19

Kuswawaawo waambile bene Isilaeli ayi, pabantu bekala muJelusalemu amucishi ca Isilaeli Mwaami Lesa Shinkusu shoonse waamba ayi, ‘Balaakunoolya shakulya shabo cakulisukama akunwa maanshi caboowa. Shintu shoonse sha mucishi cabo shilaakubwesekwa ceebo ca shintu shalunkutwe sha bantu boonse bekalaamo.

Esekelo 22:15

Ndaakutandila bantu bako pakati ka mishobo ya mucishi ca panshi coonse alimwi akumanisha micito yanu yoonse ishipite.

Jowelo 2:3

Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.

Sekaliya 8:1

Mpeeke liswi lya Mwaami Lesa Shinkusu shoonse lyakanyumfwika kuli ndime.

Osiya 9:17

Lesa wangu ulaakubakaka ceebo tabakwe kumunyumfwila. Bene Isilaeli balaakuba beshikwiingooka pakati ka mishobo imwi.