Sekaliya 6:13 - Baibo Busansulushi Bwa Libuku Ili

¹³ Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Sekaliya 6:13 교차 참조

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Isaya 22:24

“Sombi alimwi bamakwabo abaabo mbweshi akanoolela balaakuba anga ngumukuli unene pali nguwe. Bweenka mipika, mbale shifongomene mboshileleela kunkobeko, mbweeke ubo abalo mbweshi bakanoocatite kuli nguwe!

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Kulumbaisha 21:5

Bulemu bwakwe bwafula kwiinda mukumulengesha kukoma. Ndushinisho mwamupa bulemu abwaami.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Bene Ebulu 6:20

Ceebo ca ndiswe, Jesu wakatutanjilila kwinjila mumusena usalalite uyo akuba Mupailishi Munene wamuyayaya, bupailishi buli mbuli bwakwe Melikisedeki.

Bene Kolose 1:2

Ntoolembela ndimwe nobantu bakwe Lesa muKolose, nobamakwesu nomushomeka muli Klistu. Luse aluumuno shibe amwebo kuswa kuli Lesa Ishiwesu.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Sekaliya 6:11

Panga mushini wa silifa agolodi uyo akufwalika mupailishi munene Joshuwa mwanaakwe Jeosadaki.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Matalikilo 14:18

Lyalo Melikisedeki mwaami wa Salemu wakaleta shinkwa awaini. Melikisedeki wakalinga mupailishi munene wakwe Lesa wakwiculu Wiindaawo.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Sekaliya 4:9

“Selubabelo ngowakayaka lwiimbi lwa Ŋanda yangu alimwi ulaakwiimanisha. Shintu ishi shaakucitika, bantu bangu balaakwishiba ayi anu ndime neMwaami Lesa Shinkusu shoonse ndakakutuma kuli mbabo.

2 Samwelo 7:13

Mwanaako uyo ngweshi akanjakile ŋanda alimwi ndaakulengesha ayi bamulunyungu lwakwe bakanoolelabo kwalyoonse alyoonse.

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.