Sekaliya 14:10 - Baibo Busansulushi Bwa Libuku Ili

¹⁰ Cishi coonse kuswa kuGeba kuya mukushika kuLimoni kumalenge lya ndabala ya Jelusalemu, cilaakuba ceelene anga ncishi ca Alaba. Sombi ndabala ya Jelusalemu ilaakutolwa peculu akwikalilila peenka apo. Ndabala ilaakutalikila kuMwinjililo wakwe Benjameni kuya mukushika kumusena wa Mwinjililo Utaanshi, nkokwaamba ayi kuMwinjililo wa paLikonko alimwi kuswa kuŋanda ilaamfu ya Ananelo kuya mukushika kushilindi shakutyaninamo minyansa sha kubwalo.

Sekaliya 14:10 교차 참조

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Joshuwa 15:32

Lebaoti, Shilimu, Aini alimwi aLimoni. Nkokwaamba ayi mandabala anene pantu pomwi akalinga makumi obilo aosanwe alimwi aone kubikaawo amishi yakalinga kushingulukite mandabala ayo.

Jelemiya 37:13

Sombi ndindakashika kumwinjililo wakwe Benjameni, munene wa beshikulindilila uyo wakalinga kwiitwa ayi Ilija mwanaakwe Shelemiya mwishikulu wakwe Ananiya wakancata akuŋambila ayi, “Webo wacicila kubene Babiloni kuya mukuba kulubasu lwabo!”

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

1 Baami 15:22

Lyalo mwaami Asa wakatuma nkombe mucishi coonse ca Juda iyo yakalinga kwaamba ayi muntu womwi awomwi, kwakubula ucaala, aye mukucafwa kunyamuna mabwe amapulanga ayo mwaami Baasha ngwaakalinga kuyakisha kuLama. Shintu ishi Asa wakashisebensesha kumulimo wa mushobo womwi kuMisipa aGeba mandabala ali mucishi ca bene Benjameni.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Jelemiya 38:7

Sombi Ebedimeleki mwiine Kushi wacinenenene wa kuŋanda ya bwaami wakanyumfwa ayi ndawaalwa mumukalo. Paciindi ico mwaami wakalinga kushiite kuMwinjililo wakwe Benjameni.

Neyemiya 3:1

Lyalo Eliyashibu mupailishi munene abapailishinyina bamwi bakatalika mulimo. Bakayakulula Mwinjililo wa Mbelele. Bakausalasha akwiimika shisasa mumisena yeelete. Bakayakulula akusalasha lubumbu kushikila akuŊanda ilaamfu ya Mwaanda alimwi aŊanda ilaamfu ya Ananelo.

Boomboloshi 20:47

Sombi bali 600 balo bakacicila kumwaandami wa Limoni muluyanga uko nkobakekala myeenshi yone.

Boomboloshi 20:45

Lyalo bakacaalaawo bakalulama kumwaandami wa Limoni, sombi bali 5,000 bakacaikwa mumikwakwa. Bene Isilaeli bakatolelela kubatandaanya kushikila akuGidomu uko nkobakacailawo bali 2,000.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Isaya 10:29

Beenda kale pamwinjililo uli pakati ka tulundu tobilo akwaamba ayi baye bakoonene kuGeba! Bantu ba mundabala ya Lama baloonda abuumbi. Balo ba muGibiya, ndabala ya mwaami Saulo, bacica.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Neyemiya 12:39

ndiswe peculu lya Mwinjililo wa Efuleemu, Mwinjililo wa Jeshana alimwi apeculu lya Mwinjililo wa Nswi. Lyalo twaya mukwiinda kuŊanda Ilaamfu ya Ananelo, akuŊanda Ilaamfu ya Mwaanda tibili akuMwinjililo wa Mbelele. Swebo twakaya mukweela kuMwinjililo wa Beshikulindilila kuŊanda yakwe Lesa.

2 Makani 25:23

Jeowashi wakatola busha Amasiya kundabala ya Jelusalemu. Lyalo wakamwaya lubumbu lwa njiyo kuswa kumwinjililo wa Efuleemu kuya mukushika kumwinjililo wa Likonko, mushinso wa mamita ali mpashi 200.

1 Makani 6:77

Bamumaanda a mucipani cakwe Melali bakacaalaawo bakapekwa mandabala aya amafulo akalinga kwaashingulukite. Mucishi ca bene Sebuluni bakapekwa ndabala ya Jokineyamu, Kata, Limono alimwi aya Taboli.

1 Makani 4:32

Bakalinga kwikala amumisena imwi ili yosanwe, nkokwaamba ayi Etamu, Aini, Limoni, Tokeni alimwi aAshani.

Boomboloshi 21:13

Mpeeke libungano lyoonse lyakatumya nkombe kubene Benjameni balya bakalinga kwikala kumwaandami wa Limoni kubalwiita ayi inkondo yamana.

Joshuwa 21:17

Kuswa kucishi ca mukowa wakwe Benjameni bakabapa ndabala ya Gibyoni, Geba,

2 Baami 14:13

Jeowashi wakatola busha Amasiya mwaami wa bene Juda mwanaakwe Jowashi, mwishikulu wakwe Aasiya akuya kundabala ya Jelusalemu. Lyalo wakamwaya lubumbu lwa njiyo kuswa kumwinjililo wa Efuleemu kuya mukushika kumwinjililo wa Likonko, mushinso wa mamita ali mpashi 200.

Jelemiya 20:2

wakangumisha kubantu akuŋanga mancetani. Lyalo wambika kuMwinjililo wakwe Benjameni waPeculu wa kuŊanda ya Mwaami Lesa.

2 Makani 26:9

Kuswawaawo Usiya wakayaka maanda alaamfu a beshikulindilila muJelusalemu kuMwinjililo wa Likonko akuMwinjililo wa Cinyika alimwi apalikonko lya lubumbu. Maanda aya oonse wakaayakila mulilinga.

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”