Sekaliya 12:4 - Baibo Busansulushi Bwa Libuku Ili

⁴ Pabushiku ubo ndaakulengesha maaki abo oonse kuba aboowa alimwi ndaakufulunganya beshi kwaatanta boonse. Ndaakunoolama mushobo wa bene Juda, sombi ndaakupofosha maaki a mishobo imwi yoonse.

Sekaliya 12:4 교차 참조

Sekaliya 12:3

Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Dutolonomi 28:28

Mwaami Lesa ulaakuletela ncinko, boofu alimwi abukanguwenguwe.

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Sekaliya 14:15

Mwaalu uyoosha ulaakupola apamaaki, pashifubwa shili anga nimbongolo, pangamela, apambongolo. Ncakwiila ulaakupola pashifubwa shoonse mumisumba yoonse ya balwani babo.

Sekaliya 12:11

Pabushiku ubo kulila buumpute mundabala inene ya Jelusalemu kulaakukomena abuumbi. Ncakwiila kulaakubabo anga nkulila buumpute pali Adadi Limoni kuliwesa lya Megido.

Sekaliya 10:5

Boonse pantu pomwi balaakuba anga mbashilumamba beshinkusu abo balyatoola balwani babo kubapisha mumatipa mumikwakwa. Ceebo cakwaamba ayi nebo neMwaami Lesa ndi ambabo, balaakunoolwana akukoma balwani babo beshimaaki.

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Esekelo 39:20

Patebulu lyangu mulaakulya shipumputa kulilabo nshemusuni sha maaki abeshikwaatanta, bantu beshinkusu alimwi abashilumamba bamushobo woonse. Nebo neMwaami Lesa Shinkusu shoonse ndaamba.’ ”

Esekelo 38:4

Ndaakukusandulula, nkakukobe ndobo mumicendwa yako akukutola mubusha pantu pomwi alikoto lyako linene lya bashilumamba. Ndaakutola maaki ako, bashilumamba beshikulwanina pamaaki bacite ashilwanisho shabo, likoto lya bashilumamba baanji bacite mayawo anene aaniini, boonse kabanyamwite mipeeni mumaansa.

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Isaya 37:17

Ono noBaami baLesa boomi, amutukutike akubona shintu shoonse shitoocitika kuli ndiswe. Amukutike shintu shoonse Senakelibu nshaatokwaamba mukumucobola mwebo nobaLesa boomi.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

2 Makani 7:15

Ndaakunoolama Ŋanda yangu iyi alimwi akunoonyumfwa mipailo iyo njeshi mukanoopaila muli njiyo.

2 Makani 6:40

“Ono noBaami baLesa, mutuboone akuteya amatwi anu kumipailo iyo njetupaila mumusena uyu.

2 Makani 6:20

Kamulama Ŋanda yanu iyi mashiku amalumwi ceebo mwakashomesha ayi mumusena uyu mweshi mukanoolambililwa. Kamunyumfwila na ndalanga kuŋanda yanu pakupaila.

2 Baami 6:18

Bene Silya ndibakatalika kulwana, Elisha wakapaila ayi, “NoBaami baLesa amupofoshe meenso abo!” Mwaami Lesa wakakumbula kupaila kwakwe akubapofosha meenso.

2 Baami 6:14

mwaami wakatumaako bashilumamba baanji bakaya amaaki alimwi ashikoci. Bakashika mundabala iyo mashiku akwiishinguluka.

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

Sekaliya 12:5

Lyalo bamatanjilili ba bene Juda balaakunoolyaamboosha ayi, ‘Bene Jelusalemu mbayumu ceebo Mwaami Lesa Shinkusu shoonse nguLesa wabo.’