Sekaliya 11:7 - Baibo Busansulushi Bwa Libuku Ili

⁷ Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Sekaliya 11:7 교차 참조

Sekaliya 11:14

Kuswawaawo ndakatyola nkoli imwi iyo yakalinga kwiitwa ayi, “Kucatana” kutondesha kumana kwa mukowa wakalinga pakati ka bene Juda alimwi abene Isilaeli.

Sekaliya 11:4

Ono Mwaami Lesa, Lesa wangu waamba ayi, “Embela litanga lya mbelele isho shakalinga kweelete kucaikwa.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Maako 12:37

Na Defedi mwiine wakamwiita ayi ‘Mwaami’, ino Usalitwe wakwe Lesa inga washalwa buyani mulunyungu lwakwe alimwi?” Bantu baanji baanji bakakondwa abuumbi ndibakanyumfwa kwiisha kwakwe.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

1 Samwelo 17:43

Mpeeke wakaambila Defedi ayi, “Ono utoosa ankooli kuli ndime, sa utooyeeya ayi ndi kabwa?” Mpomunyaawo mwine Filisiti ulya wakashingana Defedi muliina lya balesa bakwe.

1 Samwelo 17:40

Mpeeke wakabwesa nkoli yakwe mumaansa, akusaloola mabwe abulungene mukalonga akwaabika mucipokolo cakwe ncaasebensesha pakweembela mbelele. Lyalo wakabwesa cipaya cakuwaalisha mabwe cakwe akusena pafwaafwi amwine Filisiti uyo.

Bene Lefi 27:32

Pashifubwa shili likumi, ca likumi nca Mwaami Lesa, na shifubwa shitoobelengwa, ca likumi ncaangu neMwaami Lesa.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

Jelemiya 39:10

Sombi mucishi ca Juda wakashiyamo bakandu abo batakalinga kucitewo kantu akubapa myuunda ya minyansa amyuunda imwi.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.