Sekaliya 10:4 - Baibo Busansulushi Bwa Libuku Ili

⁴ Kubene Juda kulaakuswa libwe lya mulikonko lya ŋanda, kuli mbabo kulaakuswa mpoopo ya kutente, kuli mbabo kulaakuswa buta bwa nkondo, alimwi kuli mbabo kulaakuswa baleli boonse.

Sekaliya 10:4 교차 참조

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

2 Timoti 2:4

Shilumamba pamulimo wakwe ulisuni kukondelesha mutanjilili wakwe. Aboobo taalinyonyonganyi mubuumi bwa baabo bateshi bashilumamba.

Mateyo 9:38

Aboobo amusenge Mwine muunda kwaamba ayi atume abamwi basebenshi beshikutebula.”

Jelemiya 1:18

Aboobo sunu ndakuyumya anga nindabala icite lilinga, nabi anga ndicinko lya nshimbi nabi anga ndubumbu lwa bulonse ayi upikishe cishi coonse, bamaami bene Juda, bacinenenene babo, bapailishi abantu boonse ba mucishi.

Isaya 54:16

“Ndime ndakalenga shikufula sheela uyo ufulita mulilo amyuuba akufula shakulwanisha. Ndime ndakalenga ashilumamba usebensesha shakulwanisha isho kucaya bamwi.

Isaya 49:2

Mpeeke wakalengesha maswi kukola anga ngumupeeni. Wakandama alyaansa lyakwe mwiine. Wakansemuna bweenka bucitwa mufwi akunengesha kulibambila kusebenseshekwa.

Isaya 19:13

Bacinenenene ba mundabala inene ya Sowani bababo shiluya. Bamatanjilili ba mundabala inene ya Memfisi bacenjeekwa. Bantu balemekwa mucishi ca Ijipiti balubya bamucishi cabo.

Kulumbaisha 118:22

Libwe bayaki ndibakakaka, lyakaba ndyelibwe liyandika lya mulikonko lya ŋanda.

Esila 9:8

Ono muciindi ciniini, noBaami baLesa, baLesa besu mwakatunyumfwila luse akufuna sobamwi kuswa mubusha akutukalika kabotu mumusena uno usalalite. Mwakatukusha mubusha akutupa buumi bupya.

1 Samwelo 14:38

Mpeeke Saulo wakaambila bamatanjilili ba bashilumamba ayi, “Amwisookuno tubone cibiibi cacitwa sunu.

Matalikilo 49:24

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Luka 20:17

Jesu wakabalangishisha akubeepusha ayi, “Ono malembo aya alaambanshi? ‘Libwe bayaki ndibakakaka, lyakaba ndyelibwe lya mulikonko lya ŋanda.’

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

Jelemiya 51:20

Mwaami Lesa waamba ayi, “Babiloni uli nsando yangu, ee, uli cakulwanisha cangu. Ndaakusebensesha kupwayooshako mishobo ya bantu akunyonyoola malelo abo.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.