Sekaliya 1:2 - Baibo Busansulushi Bwa Libuku Ili

² Mwaami wakaambila nebo neSekaliya kulwiita bantu ayi, “Nebo neMwaami Lesa, ndakakalala abuumbi pabamashali banu bakulukulu.

Sekaliya 1:2 교차 참조

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Esekelo 22:31

Paceebo ceeco ndaakubatila bukali bwangu buyoosha akubanyonyoola kuceeselela ca bukali bwangu ceebo ca sheesho nshebakacita beene beenka. Nebo neMwaami Lesa Shinkusu shoonse ndaamba.’ ”

Malilo 5:7

Bamashali besu bakulukulu bakabisha akuloba. Ono bulya swebo twafwita calya nkanga.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Kulumbaisha 60:1

NobaLesa ncakwiila mwebo mwatukaka, mwatunyonyweeta shitufuna. Ee, mwatufutatikila moyo. Ono amutubooshe kumubili alimwi.

Esila 9:13

Anu isho shakacitika kuli ndiswe, shakacitika ceebo ca micito yesu ibiibi iyo italifulili. Nakubi boobo, nobaLesa besu mwatupa mulandu uniini kwiinda shibiibi shesu mbosheelete alimwi mwatusuminisha kunoocili boomi swebo sotwacaalaawo.

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Sekaliya 7:12

akuyumya myoyo yabo anga ngumwaandami. Tabakwe kunyumfwa milawo nabi maswi ayo nebo neMwaami Lesa Shinkusu shoonse ngondakatuma kwiinda muMushimu wangu mubalaluki abo bakalinga kwikala mucishi kalekale. Paceebo ceeci ndakakalala abuumbi.

Sekaliya 8:14

Mwaami Lesa Shinkusu shoonse waamba ayi, “Ono bweenka mbondakalinga kushinishite kuleta mapensho cakubula nkumbu pabamashali banu bakulukulu ndibakankalasha,