Sefaniya 2:9 - Baibo Busansulushi Bwa Libuku Ili

⁹ Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Sefaniya 2:9 교차 참조

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Isaya 25:10

Mwaami Lesa ulaakufuna Kalundu ka Siyoni, sombi bene Moabu ulaakubalyatoola bweenka bucitwa bwiisu mumboleshi.

Jelemiya 50:40

Bweenka nebo neLesa mbondakanyonyoola Sodoma aGomola pantu pomwi amandabala akalinga kushingulukite cakwaamba ayi taaku muntu wakekalaamo tubili, mbweeke ubo taaku weshi akekale muBabiloni tubili. Nebo neMwaami Lesa ndaamba.”

Jelemiya 48:1

Pacishi ca Moabu Mwaami Lesa Shinkusu shoonse, Lesa wa bene Isilaeli waamba ayi, “Mapensho kundabala ya Nebo ceebo ilaakunyonyoolwa. Ndabala ya Kilyataimu ilaakulenshekwa nsoni akukomwa. Shiyubilo sha njiyo shilaakupwayoolwa.

Isaya 49:18

Amulangelange kumbasu shoonse kwaamba ayi mubone citoocitika. Bene mishaanu babungana kwaamba ayi bapiluke.” Mwaami Lesa waamba ayi, “Bweenka mbocibete lushinisho ayi ndi muumi, mulaakusangalala pabantu abo bweenka nabwiinga mbwaasangalala pashakulibotesha nshaafwala.

Bene Loma 14:11

Mukwiinga Malembo alaamba ayi, “Mwaami Lesa wakaamba ayi, ‘Nebo ntoolumbila ayi, muntu woonse ulaakufukama kunembo lyangu akwaamba patuba ayi ndime Lesa.’ ”

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Sefaniya 2:14

Shifubwa shoonse shilaakupanga mulela kweenka uko, kubikaawo anyama sha muluundu. Abalo bamwiina balaakunookala mumatongo a njiyo. Balaakunoolila pambwelyo sha maanda. Bacikwangala balaakunookala kumilyango ya njiyo. Mitanti ya sida ya maanda a njiyo ilaakucaala patuba.

Sefaniya 2:7

Cishi ico cilaakuba ca bene Juda abo beshi bakacaaleewo. Balaakunoocana mafulo a mbelele shabo uko. Macolesha na kwashiya balaakunokoona mumaanda a ndabala ya Ashikeloni. Mwaami Lesa, Lesa wabo ulaakunoobalama akubalengesha kuswitilila alimwi.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Jelemiya 49:18

Bweenka ndabala inene ya Sodoma aya Gomola mbwaakanyonyoolwa pantu pomwi amandabala akalinga kwaashingulukite, mbweeke ubo cishi ca Edomu mbweshi cikacitwe. Taaku muntu nabi womwi weshi akekaleemo tubili. Nebo neMwaami Lesa ndaamba.

Jelemiya 46:18

“Nebo neMwaami Lesa Shinkusu shoonse ndi Mwaami. Ncakwiila nebo ndi Lesa muumi. Kulaakwisa umwi uli anga nkalundu ka Tabo pakati ka tulundu, ee, anga nkalundu ka Kamelo kulubasu lwa lweenge.

Shakubelenga 14:21

Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi,

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Jelemiya 49:33

Asoli ulaakuba musena wa bamwaaba. Ulaakuba matongo kwalyoonse alyoonse. Taaku muntu weshi akekaaleko tubili. Nebo neMwaami Lesa ndaamba.”

Amosi 2:1

Mwaami Lesa waamba ayi, “Bene Moabu bakalinga kubisha lyobilo lyobilo, aboobo ndushinisho ndaakubapa mulandu. Balo bakanyansha mafuwa a mwaami wa bene Edomu mukwaatenta kushikila aba milota.

Dutolonomi 29:22

“Ono mumashalane ali kunembo, bamulunyungu lwanu alimwi abaswamashi baswa mushishi shili mulaale, balaakubona mapensho alimwi amalwashi ayo Mwaami Lesa ngweshi akalete mucishi canu.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.