16 Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”
‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.
Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.
Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.
“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.
Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.
Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.
Miyanda ya buumi bwakwe ilaakuyuma. Ayalo misampi ilaakunyana akuyuma.
Lyalo amwi ali osanwe aobilo asapuka. Ono alo taakalinga aniini alimwi anyanite kumuuwo wa muluyanga.
Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.
