Osiya 9:12 - Baibo Busansulushi Bwa Libuku Ili

¹² Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”

Osiya 9:12 교차 참조

Osiya 7:13

“Mapensho kuli mbabo ceebo bakapambuka kuswa munshila yangu. Kunyonyoolwa kulaakubashikila ceebo bakangashukila. Ndisunishi kubalubula, sombi balo balaamba shabubeshi pali ndime.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Osiya 9:13

Mwebo noBaami baLesa, nebo mboontoobona, bana ba bene Isilaeli balaakubabo anga mbanyama batooya mukucaikwa. Bene Efuleemu abo balaakutanjilila bana babo kunkondo, sombi uko balaakuyabo mukucaikwa.

Malilo 2:20

NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Jelemiya 15:7

Ndaakumuululusha kucakuululushishako paminjililo ya mandabala oonse a mucishi. Ndaakumulengesha kufwitwa akunyonyooka mwebo nobantu bangu ceebo tamutoocilekaawo nshila shanu shibiibi.

Jobo 27:14

Nabi bana babo basankwa bafule buyani lufu lwabo ndwakucaikwa kunkondo. Bana babo teshi bakanoolya cakukuta, napaceyi.

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.

2 Baami 17:18

Aboobo Mwaami Lesa wakakalala abuumbi pabene Isilaeli akubatandaanya kuswa pameenso akwe, kushiyakobo bamumukowa wakwe Juda.

1 Samwelo 16:14

Ono Mushimu wa Mwaami Lesa wakashiya Saulo. Mpeeke muuya ubiibi uyo wakatumwa aMwaami Lesa wakamupensha abuumbi.

Boomboloshi 4:16

Balaki lakwe wakatandaanya bashilumamba balwanina mushikoci abashilumamba bamwi boonse kuya mukushika kuAlosheti Agoyimu. Bashilumamba bakwe Sisela bakacaikwa boonse cakwaamba ayi taaku wakacaala.

Dutolonomi 28:32

Mbweekoobo bana banu basankwa abanakashi balaakupekwa busha kumushobo umwi. Mulaakusalala meenso kulangila bana banu bushiku abushiku, ono taaku nabi comwi nceshi mukacite.

Shakubelenga 26:65

mukwiinga Mwaami Lesa wakaamba ayi boonse balaakufwita muluyanga. Aboobo boonse bakaloba, kukushakobo Kalebu mwanaakwe Jefune alimwi aJoshuwa mwanaakwe Nani.

Jelemiya 6:8

Webo Jelusalemu, nyumfwa kucenjeshekwa. Kwabula boobo ntookufutatila akulengesha cishi cako kuba matongo cakwaamba ayi taaku muntu weshi akakonshe kwikalaamo.”

Malaki 2:12

Anu ncibotubo kwaamba ayi Mwaami Lesa atanoolanga lyobilo bantu bacita boobo ayi mbene Isilaeli. Mutabasuminishi tubili kuleta milambu kuMwaami Lesa Shinkusu shoonse.

Shakubelenga 14:34

Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila!

Dutolonomi 28:18

“Mwaami Lesa ulaakumushingana kwiinda mukumupa baana baniini, kutebula shakulya shiniini alimwi amukumupa ŋombe ambelele shiniini.

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.