Osiya 8:2 - Baibo Busansulushi Bwa Libuku Ili

² Nakubi kwaamba ayi bene Isilaeli balandilila ayi, ‘Swebo sobene Isilaeli tulimwishi mwebo noBaami baLesa. Ndushinisho swebo tuli bantu banu!’

Osiya 8:2 교차 참조

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

1 Joni 2:4

Uyo waamba ayi Lesa ndimwishi, sombi kaatakonkeli milawo yakwe, ngumubeshi alimwi lushinisho talubete muli nguwe.

Luka 13:25

Mpomunyaawo mwine ŋanda ulaakunyamuka akucalaako kumulyango. Lyalo mulaakwiimikana akutalika kukonkoonsha akwaamba ayi, ‘Amutucalwiteeko nkambo!’ Sombi lakwe ulaakumukumbula ayi, ‘Nshishi ankomwaswita!’

Mateyo 25:11

Pesule bamyooye baluya bakashika abalo. Bakatalika kwaamba ayi, ‘Nkambo, nkambo, amutucalwiteeko!’

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Jelemiya 7:4

Mutanooshoma mumaswi abubeshi akwaamba ayi shoonse shilibo kabotu akunokwaamba ayi, ‘Ino niŊanda ya Mwaami Lesa, niŊanda ya Mwaami Lesa, niŊanda ya Mwaami Lesa!’

2 Baami 10:29

Sombi alakwe wakacita cibiibi ceenka cakacita mwaami Jeloboamu mwanaakwe Nebati uyo wakalengesha bene Isilaeli kubisha mukulambila bacende baana ba golodi abo mbwaakabika mundabala ya Betelo aya Dani.

2 Baami 10:16

Jewu wakaamba ayi, “Kwesa anebo ubone mbuli mboontoosebensela Mwaami Lesa cankusu.” Lyalo bakaya boonse kuSamaliya.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 8:3

Nakubi boobo bene Isilaeli bakakaka cipangano cibotu. Paceebo ceeco balwani babo balaakubatandaanya.