4 Boonse mbeshi kupampooka alimwi tabashomeki. Lupato lwabo lulamotabo anga ngamakalangasha a mulilo wa mucitofu, ee, ayo shikupanga shinkwa ngwaatanyanyaanshi kushikila fulaulo wakandwa akunyamuka.
Nindakalinga kucite ŋanda yakoonaamo beshikweenda muluyanga, naakwiinga ndakashiya bantu bene misheesu. Naakwiinga ndabashiya ceebo boonse mbafuule alimwi ndikoto lya bantu batashomeki.
Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.
Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.
Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.
Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”
Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”
Mulaakunoolya shipansha shanu sha milambu, sombi teshi mukanookuta. Mulaakulambila balesa banshalo, sombi teshi mukanooshalaawo mukwiinga mwafutatila ndime neMwaami Lesa akukonkela balesa bamwi.”
Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.
