2 Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”
Taaku cintu cifweketwe nceshi cikabule kufwekulwa, nabi cishisitwe ceshi cikabule kushibikwa.
Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.
Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.
Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”
Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”
Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.
Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.
Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.
Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.
Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.
“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”
Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.
Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.
Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.
Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.
Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”
“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!
“Meenso akwe alabona nshila sha muntu shoonse. Ndushinisho lakwe ulabona moonse mobalyata.
Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.
Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.
Ncakwiila shikubesa shibumbwabumbwa taaciteewo kalango nabi maano a kwishiba ayi misampi imwi ndakakunkisha mulilo. Pamakalangasha ndakapangilawo shinkwa akuyokelawo nyama ndalya. Misampi imwi yoonse yakacaala ndakeebesesha cibumbwabumbwa. Ono mbulya ntoofukamina cipansha ca cisamu!
“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.
Mwaami Lesa waamba ayi, “Nobene Juda shibiibi shanu shakalembelwa acakulembesha ca nshimbi. Shakatalwa alibwe likolete pamyoyo yanu alimwi akumakonko oonse a shipaililo shanu.
“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?
Ono bweenka mbweshi nkape milandu bantu abo panshila shabo amicito yabo, mbweeke ubo amwebo nobapailishi mbweshi mukacitwe pabubi bwanu.
Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.
Mwaami Lesa ulicite mulandu wakupa bene Juda. Ulaakupa mulandu bamulunyungu lwakwe Jakobo kweelana amicito yabo. Ulaakubabooshela cishole ceebo ca shintu isho nshebacita.
“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”
Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”
Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.
Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.
