7 Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.
Ono mwebo mwapwaya cipangano bweenka bwakapwaya Adamu.
Sombi bweenka mbuli mwanakashi utashomeki kuli ibaye, mbweeke ubo amwebo mbomutashomeki kuli ndime mwebo nobene Isilaeli. Nebo neMwaami Lesa ndaamba.”
Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.
Mumweenshi omwi ndakatandaanya beembeshi botatwe ceebo ndakabacimwa abalo bakampata.
Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.
Amwebo nobana bangu muli baana ba mufuule, aboobo teshi nkamunyumfwilewo nkumbu.
Paceebo ceeci baambile ayi nebo neMwaami Lesa Shinkusu shoonse ndaamba ayi, ‘Taaku maswi angu eshi akanoocelwa kucitika. Shoonse nshendakaamba shilaakucitika. Nebo neMwaami Lesa Shinkusu shoonse ndaamba.’ ”
Bene Isilaeli abene Juda bakaalililabo kushomeka kuli ndime. Nebo neMwaami Lesa ndaamba.”
Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.
Amumfuune kuswa munkusu sha baswamashi ayi mpuluke, bantu abo baamba shakubeca akushomesha cakutashinisha.
Amutambike lyaansa lyanu kuswa kwiculu akuncata. Amunsubule mulweenge lwa mapensho angu ayi mpuluke. Amumfuune kuswa munkusu sha baswamashi,
Ncakwiila kusekelela kwanu kwa bushiku butaanshi bwa mweenshi anshiiku shanu shimwi shisalalite ndishipatite. Shoonse shababo anga cintu cilemu ncindalemenwa kunyamuna.
“Mapensho kuli mbabo ceebo bakapambuka kuswa munshila yangu. Kunyonyoolwa kulaakubashikila ceebo bakangashukila. Ndisunishi kubalubula, sombi balo balaamba shabubeshi pali ndime.
