Osiya 4:9 - Baibo Busansulushi Bwa Libuku Ili

⁹ Ono bweenka mbweshi nkape milandu bantu abo panshila shabo amicito yabo, mbweeke ubo amwebo nobapailishi mbweshi mukacitwe pabubi bwanu.

Osiya 4:9 교차 참조

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Isaya 24:2

Lyalo cililo ca nkumo kumuntu womwi awomwi cilaakuba ncimwi. Kumupailishi akubantubo, kumwaami musankwa akumusha wakwe, kumwaami mwanakashi akumusebenshi wakwe mwanakashi, kushikuulisha akuushikuula, kushikusenga akuushikupa, kushinkongole akushikukongosha.

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Osiya 9:9

Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Osiya 1:4

Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

Osiya 7:2

Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”

Osiya 9:15

Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.

Osiya 10:10

Ndaakusuna, ndaakubapa mulandu. Mishobo ilaakulibungabunga mukulwana mbabo. Balaakutolwa mubusha ceebo ca shibiibi shabo shiinji.

Osiya 12:2

Mwaami Lesa ulicite mulandu wakupa bene Juda. Ulaakupa mulandu bamulunyungu lwakwe Jakobo kweelana amicito yabo. Ulaakubabooshela cishole ceebo ca shintu isho nshebacita.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Esekelo 44:10

Mpeeke Mwaami Lesa Shinkusu shoonse wakandwiita ayi, “Bene Lefi abene Isilaeli abo bakamfutatila kuya mukulambila shibumbwabumbwa ntoobapa mulandu.

Esekelo 44:12

Sombi ceebo cakwaamba ayi bakasebensela bantu abo kunembo lya shibumbwabumbwa shabo akulengesha bene Isilaeli kubisha, nebo neMwaami Lesa ndashomesha cakulumbila ayi, ‘Balyeelete kupekwa mulandu kweelana akubisha kwabo.

Osiya 12:3

Jakobo wakalwana aEsau kabacili mulifumo alimwi ndyaakakula wakalwana aLesa.