3 Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”
Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”
Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.
Mwaami Lesa Shinkusu shoonse waamba ayi, “Mulaakuba kulila mumikwakwa yoonse akulila cakupenga mumisena mucanika bantu baanji. Balimi balaakwiitikwa ayi balilile pantu pomwi abaabo balipilwa maali.
Inswi shoonse, bayuni boonse, banyama ba muluundu, tulongolo toonse alimwi abantu boonse bekala mucishi ca panshi shilaakututuma kunembo lyangu. Tulundu tulaakuwa, shicengo sha myaandami shilaakupwayooka alimwi lubumbu lomwi alomwi lulaakuwa.
Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”
Ndakalanga akubona ayi taaku muntu nabi womwi. Abayuni boonse bakamana kuuluka akuya.
“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.
Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”
Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.
Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.
Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”
Ŋombe shitoolila kunsala ceebo mumafulo a nshisho taamu bwiisu. Ashalo mbelele shapenga abuumbi.
Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”
Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu? Nebo neMwaami Lesa ndaamba.”
