16 Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?
“Sombi bantu bangu bakakaka kunyumfwa. Ncakwiila bakacala matwi abo
Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.
“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.
Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.
Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.
Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.
Ono Mwaami Lesa wakandwiita ayi, “Isilaeli utashomeki ulilulemeeko kwiinda Juda.
Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.
Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.
Ulaakukufungaila kushikila ukabebo anga nimpila akukusowela mucishi cimwi cinene. Uko kweenka nkweshi ukafwite. Acalo cikoci cabulemu bwako nkweshi cikacaale, webo omuntu olensha nsoni muŋanda ya mwaami wako.’ ”
Mbelele shilaakunoolya bwiisu mumafulo a nshisho. Ncakwiila bana ba mbelele balaakunoolya mumatongo a mandabala anene a babile.
“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.
Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.
Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.
Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.
“Ndushinisho ndakanyumfwa kulila kwa bene Efuleemu ayi, ‘Mwakatutambisha anga ngumucongoshi mucende aswebo twakabomba. Amutubooshe, aswebo tulilibambite kuboola kuli ndimwe ceebo ndimwe Baami baLesa, baLesa besu.
Bene Efuleemu bakalinga anga nimpwishi itambite iyo isunishi kulupula shili anga ngamaila. Sombi bulya ndaakubakobeka lijoko munshingo shabo shibotu kwaamba ayi basebense ncito iyumu. Bene Juda balyeelete kushaba abalo bene Isilaeli balyeelete kulima.
Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.
