Osiya 4:12 - Baibo Busansulushi Bwa Libuku Ili

¹² Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.

Osiya 4:12 교차 참조

Osiya 5:4

“Micito yabo ilabakasha kuboola kuli ndime neLesa wabo. Muuya wa bufuule ulibacatite ca nkusu, aboobo Lesa wabo tabamwishi.

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Kulumbaisha 73:27

Abo boonse bali kulaale amwebo balaakuloba, Ncakwiila mulaakunyonyoola abo boonse batashomeki kuli ndimwe.

2 Makani 21:13

Sombi mwebo mwakonkela nshila sha bamaami bene Isilaeli akulengesha bene Juda abene Isilaeli kutashomeka kuli Lesa, bweenka bwakalinga Aabu abamuŋanda yakwe. Mwebo mwakacaya abamakwabanu basankwa, ee, bamuŋanda ya baishiwanu, abo bakalinga bantu kabotu kwiinda ndimwe.

Bene Lefi 20:5

nebo nemwiine ndaakumwaalukila abamuŋanda yakwe boonse, alimwi abaabo boonse beenga babula kushomeka kuli ndime kwiinda mukulambila Moleki. Teshi nkanoocibayeeyela kuba bantu bangu.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Boomboloshi 18:5

Lyalo bakamwaambila ayi, “Twiipushisheeko kuli Lesa na tutokweenda kabotu mulweendo lwesu ulu.”

2 Baami 17:7

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo uyo wakabafuna kumwaami wa bene Ijipiti akubakusha mubusha. Bakalinga kulambila balesa bamwi,

Jelemiya 23:13

“Pakati ka balaluki ba kuSamaliya ndakabonawo cintu cimwi cilensha bunya. Bakalinga kulalukila muliina lyakwe Baali akulengesha bantu bangu bene Isilaeli kusoweka.

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Osiya 6:10

Nebo ndaboona cintu ciloondesha abuumbi muIsilaeli. Bantu bangu balibisha kwiinda mubufuule bwakulambila shibumbwabumbwa.