Osiya 14:9 - Baibo Busansulushi Bwa Libuku Ili

⁹ Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Osiya 14:9 교차 참조

Tushimpi 10:29

Mwaami Lesa ngoofuna baluleme, sombi bamucita shibi ulabanyonyoola.

Kulumbaisha 107:43

Muntu woonse musongo aanyumfwe shintu ishi akuyeeya palusuno lwa Mwaami Lesa lutamaani.

Joni 8:47

Mukwiinga uyo woonse uli muli Lesa ulanyumfwa shaamba Lesa. Aboobo mwebo ncemutanyumfwili ceebo tamubete muli Lesa.”

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Jelemiya 9:12

Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Kulumbaisha 119:128

Paceebo ceeco ndakonkela milasho yanu yoonse. Ndipatite nshila shoonse shibiibi.

Kulumbaisha 119:75

NoBaami baLesa, ndishi kwaamba ayi milawo yanu ililuleme, alimwi mwakampa mulandu kweelana akushomeka kwanu.

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Bene Loma 7:12

Nkokwaamba ayi Milawo ilisalalite alimwi mulawo uli woonse ulisalalite, uliluleme alimwi uli kabotu.

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 9:39

Lyalo Jesu wakaamba ayi, “Ndakesa pacishi ca panshi mukoombolosha ayi abo boofu babone, abaabo babona bapofole.”

Luka 7:23

Ulicite coolwe muntu uyo utatonshi muli ndime!”

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Esekelo 18:25

“Ono mwebo mulaamba ayi, ‘Nshila sha Mwaami Lesa tashilulemeewo.’ Amunyumfwe mwebo nobene Isilaeli. Sa mutooyeeya ayi nshila shangu nsheshitaluleme? Sa teshi nshila shanu shitaluleme?

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 84:5

Balicite coolwe abo bapekwa nkusu kuswa kuli ndimwe, ababo batooyanda kuya mukushika kuKalundu ka Siyoni.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Tushimpi 16:21

Musongo ulashibilwa kumaano akunyumfwisha shintu. Mubandi ubotu ulalengesha bantu kusuna kukutika.

Isaya 17:8

Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Jelemiya 29:12

Lyalo mulaakunjita akupaila kuli ndime, anebo ndaakumunyumfwa.

Esekelo 11:18

“Balaakuboolela mucishi cabo, bakakusheemo shikoshanyo shoonse shifundoosha kumoyo shiliimo alimwi ashibumbwabumbwa shilensha bunya.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.