7 Kutabililwa balaakunookucana kuli ndime alimwi. Balaakunookula anga nshili anga ngamaila Balaakunoosapuka maluba anga ngumunyansa. Balaakunoopukite anga nguwaini wa kuLebanoni.
Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,
Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.
“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.
Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.
Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.
Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.
Ee, ndaakuushanga peculu peene pakalundu ka Isilaeli keendaawo kulaampa. Ulaakuba amisampi, kucata shisepo akuba cisamu ca sida cinene. Bayuni ba mishobo yoonse balaakuyakamo shiinswa akucana shimfule kumisampi ya ncico.
Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.
Ndakaya kumuunda wa shisamu sha alumondi kuya mukubona lutundwa mucinyika, amukubona na minyansa yasonsa nabi mapomegilaneti aba amaluba.
Pakati ka basankwa bamwi, usunikwi wangu uli anga ncisamu ca maapo cili mumusaansa. Ndanyumfwa kabotu kwikala mucimfule ca ncico, ashalo shisepo sha ncico shilambotela abuumbi.
Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.
Sa teshi mukatubooshele bwikaalo bwesu butaanshi kwaamba ayi bantu banu bakasangalale alimwi?
Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.
“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.
Milomo yako ilicite mise anga mbuuci, onabwiinga wangu. Mulaka wako uliswitebo mukupa abuuci. Bweema bwa shakufwala shako buli anga mbweema bwa kuLebanoni.
