Osiya 14:6 - Baibo Busansulushi Bwa Libuku Ili

⁶ Nsonseela shilaakunookula kabotu. Balaakunooboneka kabotu anga ncisamu ca maolifi. Balaakunoonunkila kabotu anga ncisamu ca sida ca kuLebanoni.

Osiya 14:6 교차 참조

Kulumbaisha 52:8

Sombi nebo ndibo anga ncisamu ca maolifi cishangitwe muŋanda yakwe Lesa. Ndicinkite manungo mulusuno lutamaani lwakwe Lesa kwalyoonse alyoonse.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Joni 15:1

“Nebo ndi munyansa wancinencine alimwi baTa mbobene muunda.

Mateyo 13:31

Jesu wakabalwiita acimwi cikoshanyo ayi, “Bweene bwa kwiculu bulikoshenye aluseke lwa masitadi ulo muntu ndwaashanga mumuunda wakwe.

Jelemiya 11:16

Nebo neMwaami Lesa ndakalinga kubeeta ayi cisamu cibotu abuumbi ca maolifi cicite shisepo shiboneka kabotu. Ono cisamu ico ndaakucitenta kukuyooma kuli anga nkululuma kwa mfula ayalo misampi ya ncico ndaakwiiponsoola.

Kulumbaisha 128:3

Mukaako ulaakuba anga ngumunyansa ucata bunene muŋanda yako. Bana bako basankwa balaakuba anga ninsoonseela sha maolifi kushinguluka tebulu yako.

Matalikilo 27:27

Ndyaakalinga kwisa cisena, Isaki wakanunsha shakufwala, aboobo wakamupa coolwe. Wakaamba ayi, “Bweema bubotu bwa mwanaangu buli anga mbweema bwa muunda uyo Mwaami Lesa ngwaapa coolwe.

Kulumbaisha 92:12

Ono baluleme balaswitilila bweenka tupukupuku mbotucata shisepo shiinji, balakula cakoololoka anga nshisamu sha sida sha kuLebanoni.

Isaya 27:6

Muciindi citoosa bamulunyungu lwakwe Jakobo balaakushimpa anga ncisamu catola miyanda panshi. Ee, bene Isilaeli balaakushalana anga ncisamu casapuka maluba akucata shisepo. Aboobo balaakwisusha cishi coonse ca panshi ashisepo shabo.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”