Osiya 14:1 - Baibo Busansulushi Bwa Libuku Ili

¹ Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 14:1 교차 참조

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Osiya 12:6

Paceebo ceeco nobamulunyungu lwakwe Jakobo mulyeelete kuboolela kuli Lesa wanu. Amube bantu bashomeka kuli nguwe, baluleme alimwi mulindile lucafwo kuswa kuli Lesa wanu cakukalika myoyo lyoonsebo.

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Osiya 13:9

“Nobene Isilaeli, ndaakumunyonyoola ceebo mwabukila ndime neemucafwa.

Malilo 5:16

Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.

Osiya 5:5

Kulisumpula kwa bene Isilaeli kutoobashinina beene. Shibiibi shabo bene Isilaeli, ee, bene Efuleemu shilabawisha, ono abalo bene Juda balawa pantu pomwi ambabo.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Isaya 19:22

Ee, Mwaami Lesa ulaakutuma mwaalu pabene Ijipiti. Baakwaana, ulaakubashilika. Balaakusandukila kuli nguwe alakwe ulaakukumbula kusenga kwabo akubashilika.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 33:14

Inga ndaambila mucita shibi ayi, ‘Ndushinisho webo ulaakufwa,’ ono lakwe wasanduka kuswa kushibiibi shakwe akucita shintu shakutanyengelela alimwi shiluleme,

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Osiya 10:12

Nebo ndakaamba ayi, ‘Amulishangile bululami, mukatebule shisepo sha lusuno lutamaani. Amulime myuunda yanu itana kushindwa ceebo cino nciindi cakusandukila kuli ndime neMwaami Lesa. Amunyandoole kushikila nkatiile bululami pali ndimwe.’

Osiya 12:8

Balaamba ayi, ‘Twabiila abuumbi. Twaba abuboni buunji abuumbi alimwi taaku weenga watwaambila ayi twabilila mukutashomeka.’

2 Baami 8:12

Asayelo wakeepusha ayi, “Ino nkambo mutoolilanshi?” Elisha wakakumbula ayi, “Mukwiinga ndishi shintu shiyoosha nsheshi ukacite kubene Isilaeli. Ulaakutenta misena yabo icite malinga, kucaya basankwa bacikula bwangu kumipeeni, kupwaya bana babo bakateta panshi akupasoola banakashi bacite mafumo.”

Esekelo 16:46

“Munene wako mwanakashi nguSamaliya uyo ushiitile kulubasu lwa kumatwa abana bakwe banakashi. Mwanike wako mwanakashi nguSodoma uyo ubetele kumalenge abana bakwe banakashi.

Osiya 9:13

Mwebo noBaami baLesa, nebo mboontoobona, bana ba bene Isilaeli balaakubabo anga mbanyama batooya mukucaikwa. Bene Efuleemu abo balaakutanjilila bana babo kunkondo, sombi uko balaakuyabo mukucaikwa.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.