9 “Nobene Isilaeli, ndaakumunyonyoola ceebo mwabukila ndime neemucafwa.
Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.
Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”
Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.
Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.
Micito yanu ibiibi njeyalengesha ayi shintu shoonse isho shicileeke kuboneka. Shibiibi shanu nsheshitookasha shintu shibotu isho kwisa kuli ndimwe.
“Ono nobapailishi mwebo, mulasenga kuli ndime neLesa ayi mupe coolwe. Na kamubenga milambu yambuli yeeyi, sa inga ndakumbula mupailo wanu?
Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.
Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.
Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.
Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”
Ono muntu ucita bulale taacitewo maano mukwiinga uyo ulalinyonyoolabo mwiine.
Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.
Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.
Kulangila kwesu kuli muMwaami Lesa. Ngootucafwa alimwi ndyeliyawo lyesu.
Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”
“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”
Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.
Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?
Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.
Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.
Ndakabeeisha akubalengesha kuba ankusu, sombi balapinga kucita bubi mukundwana.
