Osiya 11:6 - Baibo Busansulushi Bwa Libuku Ili

⁶ Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.

Osiya 11:6 교차 참조

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Osiya 10:14

nkondo ilaakwisa pali ndimwe shiyubilo shanu shoonse shilaakunyonyoolwa. Cilaakubabo anga mbushiku mwaami Shalimani ndyaakanyonyoola ndabala inene ya Beti Abelo muciindi ca nkondo akupwayoola baana abamanyinawabo ayi bafwe.

Osiya 10:6

Cilaakutolwa kucishi ca Asilya ayi cikabe cipo kumwaami munene wa cishi ico. Bene Efuleemu balaakusebaana bene Isilaeli balaakunyumfwa nsoni ceebo cakulambila cibumbwabumbwa ico.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Mika 5:11

Ndaakunyonyoola mandabala oonse a mucishi canu akupwayoola malinga anu oonse.

Esekelo 20:47

Lwiita misaansa ya kumalenge ayi nebo neMwaami Lesa Shinkusu shoonse ndaamba ayi, ‘Bona, ntooyanda kukumika mulilo uyo weshi ukatente shisamu shako shoonse, shitontola ashiyumu. Mulilo uyu teshi ukakonsheke kuushimya alimwi bantu boonse kuswa kumalenge kuya kumatwa balaakunyumfwa cikasaashi ca nguwo.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 18:5

Sombi bantu kabatana kutalika kutebula, maluba aakumana kulokaako kushisamu, minyansa yaakutalika kupya, balwani balaakunyonyoola bene Kushi cakufwambaana bweenka mbocibete cuubu cibeshi kutimbula misampi ya minyansa.

Isaya 9:14

Pabushiku bomwi Mwaami Lesa ulaakutondesha bukali bwakwe kubamatanjilili ba bene Isilaeli abantu babo. Ulaakusutula mutwi amucila wabo.

Kulumbaisha 106:43

Mankanda maanji Mwaami Lesa wakalinga kubafuna, sombi balo bakalinga kumubukila cakutacilekaawo. Paceebo ceeco shibiibi shabo shakeendaawo kufula.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Dutolonomi 28:52

Mpeeke balaakulwana abantu ba mumandabala oonse ali mucishi ico Mwaami Lesa, Lesa wanu ncaatoomupa. Anu malinga alaamfu ayumu ayo ngomushoma oonse alaakumana kuwa.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Jelemiya 50:35

Mwaami Lesa waamba ayi, “Bene Babiloni abacaikwe amupeeni! Abacaikwe abo bekala muBabiloni pantu pomwi abacinenenene alimwi abasankwa basongo!

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Osiya 4:17

Bene Isilaeli balilyaabite kushibumbwabumbwa, ono amubaleeke beene, ndwabo!

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Bene Lefi 26:25

Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.