Osiya 10:13 - Baibo Busansulushi Bwa Libuku Ili

¹³ Sombi mwebo mwakashanga bubi akutebula bubi. Mwakalya shisepo sha bubeshi bwanu. “Ono ceebo cakucinka manungo munkusu shanu alimwi amubashilumamba banu baanji,

Osiya 10:13 교차 참조

Jobo 4:8

Kweelana ambondakacibona, balya bashanga bubi, balatebula bubi. Mbweeke ubo abalo bashanga mapensho, balatebula mapensho.

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Osiya 11:12

Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

Osiya 7:3

Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Tushimpi 19:5

Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.

Tushimpi 12:19

Lushinisho lulakalilila lyoonse alyoonse, sombi bubeshi bulafwambaana kwishibwa.

Tushimpi 13:2

Muntu ulalambulwa kweelana ashiswa mumulomo wakwe, sombi bantu batashomeki mbamusembela kulwana.

Isaya 17:11

nabi shikameene macuunsa eenkaayo ngomwashishangilaamo, taaku nceshi mukatebuleemo. Sombi kulaakubabo mapensho akucisa kutashilikiki.

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

1 Samwelo 24:14

Anu mwaami wa bene Isilaeli utoosa cikonkela ni? Ngani ngwaatoosa citandaanya? Sa te ngukabwa ufwite? Nabi ninjina?