Obadiya 1:1 - Baibo Busansulushi Bwa Libuku Ili

¹ Ishi nshesheeshi Mwaami Lesa nshaakayubulwita Obadiya anga muciloto. Makani aya atokwaamba pabene Edomu. Mwaami Lesa wakatuma shikwiimikaninaako kumishobo imwi yoonse alimwi twakanyumfwa makani akwe akwaamba ayi, “Amulibambile! Tiya tukalwaane abene Edomu.”

Obadiya 1:1 교차 참조

Jowelo 3:19

“Cishi ca Ijipiti cilaakuba luyanga. Acalo cishi ca Edomu cilaakuba luyanga umo mutekaali bantu mukwiinga mishobo iyo yakalwana cishi ca Juda akucaya bantu ba ncico batacite mulandu.

Isaya 30:4

Ono nabi balicite kale bacinenenene mundabala ya Sowani, alimwi beshikwiimikanina bakashika kale mundabala ya Anesi,

Isaya 21:11

Aya ngamaswi aamba pacishi ca Edomu. Umwi muntu kuswa kuEdomu utokoolobesha kuli ndime ayi, “Oshikulindilila, mashiku atoomana lili? Oshikulindilila, mashiku atokwiinda lili?”

Kulumbaisha 137:7

NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”

Maako 13:7

Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

Mateyo 24:6

Mulaakunyumfwa nkondo ampuuwo sha nkondo, sombi mwebo mutakalisukami. Ishi shilaakucitika, sombi teshi kwaamba ayi ngomamanino a cishi.

Mika 2:13

Lesa ngweshi akabacalwite nshila akubatanjilila kuswa mubusha. Balaakupasula mwinjililo akuswaamo umo. Mwaami wabo ulaakutaanguna kupula. Ee, Mwaami Lesa ngweshi akabe kunembo lyabo.

Jelemiya 51:46

Mutakatutumi nabi kuloonda mwaakunyumfwa mikutukutu iyo njeshi mukanyumfwe. Mwaaka amwaaka kulanyumfwika mikutukutu, inga yaba yakulwana mucishi canu nabi mwaami kubukila mwaaminyina.

Jelemiya 25:21

bene Edomu, bene Moabu, bene Amoni,

Jelemiya 25:17

Aboobo ndakabwesa nkomeshi mumaansa a Mwaami Lesa akunwisha mishobo ya bantu yoonse iyo njaakantumaako.

Isaya 21:12

Shikulindilila wakumbula ayi, “Macuunsa atoosa, sombi aalo mashiku acisa. Na unanoocisuni kwiipusha, use wiipushe alimwi.”

Matalikilo 25:30

Aboobo wakaambila Jakobo ayi, “Endesha mpeewo musushi usalala uyo, ndafwa nsala.” Nceceeco ncaakalinga kwiitilwa ayi Edomu.

Matalikilo 36:8

Aboobo Esau wakekala mucishi ca tulundu ciitwa ayi Edomu.

Matalikilo 36:9

Bamulunyungu lwakwe Esau nkokwaamba ayi bashali bakulukulu ba bene Edomu mbaaba.

Esekelo 35:1

Mpeeke Mwaami Lesa wakaŋambila ayi,