Neyemiya 9:8 - Baibo Busansulushi Bwa Libuku Ili

⁸ Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

Neyemiya 9:8 교차 참조

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Matalikilo 15:6

Abulamu wakashoma Mwaami Lesa, aboobo Lesa wakamwaamba ayi uliluleme.

Joshuwa 23:14

“Ono ciindi cangu cashikila cakwaamba ayi mboole kubulongo. Noonse mulishi amyoyo alimwi amyuuya yanu yoonse kwaamba ayi Mwaami Lesa wakamupa shintu shoonse nshaakamushomesha. Pashintu isho nshaakamushomesha taaku ncaalilwa kucita nabi comwi, shoonse wakashicita kweelana ambwaakamushomesha.

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

Bene Ebulu 11:17

Ndushomo lwakalengesha ayi Abulaamu ndyaakasunkwa aLesa ayande kupa Isaki mwanaakwe mbuli mulambu kuli Lesa. Nakubi kwaamba ayi Abulaamu ngowakashomeshekwa, wakalinga kulibambite kubenga mwanaakwe musankwa eenkabo ayi abe mulambu.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Joshuwa 11:23

Anu Joshuwa wakabwesa cishi coonse kweelana aMwaami Lesa mbwaakaambila Mose, akucaabanya kubene Isilaeli boonse kwiinda mumikowa yabo ayi ncinebo. Kuswawaawo inkondo yakaluba mumeenso a bantu boonse mucishi ico.

Joshuwa 11:3

Wakatumya mulomo akubene Kenani kulubasu lwakumbo akwicwe lya Mulonga wa Joodani, kubene Amoli, bene Iti, bene Pelisi abene Jebusi mucishi ca tulundu pantu pomwi abene Ifi munshaaKalundu ka Elimoni mucishi ca Misipa.

Joshuwa 9:1

Ono bamaami boonse bakalinga kumbo lya Mulonga wa Joodani bakanyumfwa kukoma kwa bene Isilaeli. Bamaami abo bakalinga kwikala kucishi ca tulundu, munkunamo ya tulundu twakumbo alimwi amuloombe lwa Lweenge lwa Mediteleniyani kuya mukushika akuLebanoni. Bakalinga bamaami ba bene Iti, bene Amoli, bene Kenani, bene Pelisi, bene Ifi alimwi abene Jebusi.

Dutolonomi 26:3

Mukaye kumupailishi weshi akanoosebensa paciindi ico akwaamba ayi, ‘Pabushiku bwasunu ndasumina kuMwaami Lesa, Lesa wangu ndakashika mucishi ico ncaakashomesha kutupa kwiinda mubamashali besu bakulukulu.’

Dutolonomi 9:5

Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Kulumbaisha 116:5

Mwaami Lesa ngushiluse alimwi uliluleme, Ncakwiila Lesa wesu ulicite nkumbu shiinji.

Shakubelenga 13:29

Bene Amaleki balekala kulubasu lwa kumalenge lya cishi, bene Iti, bene Jebusi alimwi abene Amoli balekalila kulubasu lwa tulundu. Balo bene Kenani balekala mweela Lweenge lwa Mediteleniyani alimwi amweela Mulonga wa Joodani.”

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

2 Samwelo 22:31

Nshila ya Mwaami Lesa teecite kampenda. Maswi aMwaami Lesa ncakwiila alashomeka. Mwaami Lesa ulibo anga ndiyawo kubaabo bayuba kuli nguwe.

1 Makani 1:14

Alimwi Kenani wakalinga mushali mukulukulu wa bene Jebusi, bene Amo, bene Gegashi,

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

Esila 9:15

NoBaami baLesa, baLesa ba bene Isilaeli ndimwe mululeme! Nakubi boobo mwatusuminisha kunoocili boomi. Ono twalyaambilila shibiibi shesu panembo lyanu, nakubi kwaamba ayi tatweelete kwiimikana pameenso anu ceebo ca nshisho.’ ”

Neyemiya 9:33

Mwebo muliluleme mukutupa mulandu wa mushobo uyo. Mwakalinga kushomeka, nabi swebo twakalinga kumubishisha.

Esekelo 33:24

“Webo omuntu, bantu bekala mumatongo mucishi ca bene Isilaeli batokwaamba ayi, ‘Abulaamu wakalingabo eenka, nakubi boobo cishi ici cakalinga caakwe coonse. Ono swebo tuli baanji aboobo bulya cishi ici ncesu.’