Neyemiya 9:32 - Baibo Busansulushi Bwa Libuku Ili

³² “Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Neyemiya 9:32 교차 참조

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Kulumbaisha 66:5

Nobantu, kamwisa mubone Lesa ncaakacita, mubone milimo ikankamika njaacita pakati ka bantu.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 47:2

Mwaami Lesa wa kwiculu Wiindaawo ulayoosha. Lakwe nguMwaami wa nkusu ulela cishi coonse ca panshi.

Esila 9:13

Anu isho shakacitika kuli ndiswe, shakacitika ceebo ca micito yesu ibiibi iyo italifulili. Nakubi boobo, nobaLesa besu mwatupa mulandu uniini kwiinda shibiibi shesu mbosheelete alimwi mwatusuminisha kunoocili boomi swebo sotwacaalaawo.

2 Baami 25:7

Mpeeke bakacaya bana bakwe Sedekiya boonse kaalangilisha. Kuswawaawo Nebukadinesa wakaamba ayi Sedekiya akushikwe meenso. Lyalo bakamwaanga ncetani sha bulonse akumutola kuBabiloni.

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

Bene Lefi 26:24

lyalo ndaakumwaalukila akumupensha mankanda osanwe aobilo kwiinda kataanshi.

Bene Lefi 26:21

“Ono na mukatolelele kunkaka akutanyumfwila, alimwi ndaakwiindilishawo mankanda osanwe aobilo kumupensha.

Bene Lefi 26:18

“Na pakumupolela shoonse ishi mukanoocikakitebo kunyumfwila, ndaakwiindilishawo mankanda osanwe aobilo kumupensha.

Kulonga 18:8

Mpeeke Mose wakalwiita Jetulo shoonse Mwaami Lesa nshaakacitila mwaami Falawo alimwi abene Ijipiti, kwaamba ayi afune bene Isilaeli. Wakamulwiita amapensho oonse ngobakabaawo mulweendo alimwi ambuli Mwaami Lesa mbwaakabapulusha.

Esila 4:2

Bakaya mukubona Selubabelo abamanene ba shipani sha mikowa akwaamba ayi, “Atuyake pantu pomwi amwebo mukwiinga bweenka mbuli ndimwe, aswebo tulalambila Lesa weenka ngomulambila alimwi tulabenga milambu kuli nguwe kuswa kuciindi cakwe Esaadoni mwaami wa kuAsilya, uyo wakatuleta kokuno.”

Esila 4:10

pantu pomwi abantu bamwi abo Ashubanipali wakalinga kulemekwa alimwi shinkusu mbwaakakusha mumaandaabo akubatola mumandabala a Samaliya amumisena imwi yakalinga mucishi cakwitala lya Mulonga wa Yufuletisi.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Dutolonomi 7:12

“Na munyumfwe akukukonkela milawo iyi cakushomeka, Mwaami Lesa wanu ulaakutolelela kulama cipangano cakwe amwebo alimwi ulaakumutondesha lusuno lwakwe ulo lubabo mushobo womwi lyoonse, bweenka mbwaakashomesha bamashali banu bakulukulu.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.