Neyemiya 9:22 - Baibo Busansulushi Bwa Libuku Ili

²² “Mwakabapa malelo amishobo, ee, mishobo iyo njebakalinga kubaanaayo manyinsa. Bakabwesa cishi cakwe Sioni mwaami wa kuEshiboni alimwi acakwe Ogi mwaami wa kuBashani.

Neyemiya 9:22 교차 참조

Kulumbaisha 105:44

Wakabapa shishi sha baswamashi, bakabwesa buboni bwakaswa munkasaalo ya bamwi.

Kulumbaisha 78:65

Lyalo Lesa wakabuka anga ngumuntu walinga kulete, alimwi anga ngumuntu wakolwa waini ukali.

Joshuwa 11:23

Anu Joshuwa wakabwesa cishi coonse kweelana aMwaami Lesa mbwaakaambila Mose, akucaabanya kubene Isilaeli boonse kwiinda mumikowa yabo ayi ncinebo. Kuswawaawo inkondo yakaluba mumeenso a bantu boonse mucishi ico.

Joshuwa 10:11

Ono bene Amoli abo ndibakalinga kuya ciloonda bene Isilaeli pakukunkuluka Kalundu ka Beti Oloni kuya kuAseka, Mwaami Lesa wakaloshesha mfula ya mabwe anene pali mbabo. Anu baanji bakafwa kumabwe aya kwiinda mbobakafwa kumipeeni ya bene Isilaeli.

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.

Dutolonomi 1:4

Ici cakacitika Mwaami Lesa kaali wakoma kale Sioni mwaami wa bene Amoli, uyo wakalinga kweendelesha ndabala ya Eshiboni, aOgi mwaami wa Bashani, uyo wakalinga kweendelesha ndabala ya Ashitaloti aya Edileyi.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Dutolonomi 4:46

alimwi kabali muliwesa lili kwicwe lya Mulonga wa Joodani, pafwaafwi andabala ya Betipeyo. Umo mwakalinga mucishi cakalinga cakwe Sioni mwaami wa bene Amoli, uyo wakalinga kulela ndabala ya Eshiboni. Mose abene Isilaeli bamwi boonse bakakoma mwaami uyo ndibakaswa muIjipiti.

Dutolonomi 4:47

Bakabwesa cishi cakwe Sioni acakwe Ogi mwaami umwi mwine Amoli, uyo wakalinga kulela ndabala ya Bashani, kwicwe lya Joodani.

Jelemiya 27:5

“Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.