21 Mwakabalama muluyanga kwamyaaka makumi one. Taakuuwo ancebakalinga kulila. Shakufwala shabo tashikwe kukwamookaawo alimwi myeendo yabo taikwe kushimbaawo.
“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.
Mumyaaka iyi ili makumi one shakufwala shanu tashikwe kukwamookaawo alimwi myeendo yanu taikwe kushimbaawo.
Nkalamu shilawisuka akufwa kunsala, sombi abo banyumfwila Mwaami Lesa, taaku cintu cibotu ncebabula.
Wakalinga kubalama myaaka ili makumi one muluyanga nabi bakalinga kwaalilwa kumukondelesha.
“Nobene Isilaeli, sa mwakalinga kumbengelawo milambu mumyaaka makumi one njomwakekala muluyanga?
Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.
Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.
Bene Isilaeli bakalinga kulya mana kwamyaaka ili makumi one tibili ndibakashika mucishi mwakalinga kwikala bantu. Bakalinga kulya mana tibili ndibakashika kunyinsa ya cishi ca Kenani.
