Neyemiya 8:10 - Baibo Busansulushi Bwa Libuku Ili

¹⁰ Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Neyemiya 8:10 교차 참조

Tushimpi 17:22

Moyo usangalete ngu musamu ubotu kumubili, sombi kuungumana kulaletela kucisa mumafuwa.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Kulumbaisha 149:2

Bene Isilaeli abasangalale muMulengi wabo. Bene Siyoni abakondwe muMwaami wabo.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Esita 9:19

Anu nceceeco baJuda bekala mumishi ncebookeshesha pabushiku bwalikumi ashone bwa mumweenshi wiitwa ayi Ada. Pabushiku ubo balasangalala, kusekelela akupaana shipo sha shakulya.

2 Bene Kolinto 8:2

Bantu ba mushoonde isho bakasunkwa abuumbi kumapensho ayo ngobakeendaamo, sombi ceebo bakalinga kusangalete lyoonse, bakalinga kupa shipo amyoyo yabo yoonse, nakubi kwaamba ayi bakalinga bakandu.

Esita 9:22

mukwiinga nshenshiku baJuda nshebakalifuna kubalwani babo. Uyo ngomweenshi wakuungumana abuumba uyo wakasandamunwa kuba mweenshi wakusekelela akusangalala. Wakabalembela ayi nshiiku isho shibe shakusekelela akusangalala, kupaana shipo sha shakulya alimwi akupa bakandu shakulya.

Shikushimikila 3:13

Cipo cakwe Lesa kumuntu nkulya, kunwa akusangalala musheesho nshaakayuwila.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Bene Filipi 3:4

Teshi kwaamba ayi nebo ndabuula cintu cakusangalalilaamo. Na kuli muntu uyeeya ayi ulicite shintu sha mushobo uyo, nebo ndamwiindaawo.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Shikushimikila 5:18

Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.

1 Samwelo 25:8

Ipusha basebenshi bako, balakulwiita. Ono bulya mbotwesa ciindi ndyekuli kusekelela twaseenga mututambule kabotu akutupaawo cili coonse nceenga kamucite sobasebenshi banu pantu pomwi aDefedi mweenshinyinaanu.”

Neyemiya 8:11

Bene Lefi bakoomusha bantu boonse ayi, “Amuumune, ceebo bushiku bwasunu mbushiku busalalite. Mutoongumani, sobwe.”

Neyemiya 8:12

Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.

Sekaliya 14:21

Mipika yoonse muJelusalemu amuJuda ilaakunoosalalite kuMwaami Lesa Shinkusu shoonse. Lyalo boonse beshi bakanoosa mukubenga milambu balaakunooisebensesha kutelekelaamo nyama ya mulambu. Ncakwiila pabushiku ubo teshi kukabewo shimakwebo muŊanda yakwe Mwaami Lesa Shinkusu shoonse.

1 Baami 8:66

Pabushiku bwasanu ashotatwe Solomoni wakabapalanganya. Boonse bakamulumba akuboolela mwabo mwabo kabasangalete mukwiinga wa shoolwe Mwaami Lesa nshaakapa Defedi musebenshi wakwe alimwi abantu bakwe boonse bene isilaeli.

1 Makani 16:27

Bulemu abwaami shilimushingulukite, nkusu akusangalala shili muŊanda yakwe.

Kulumbaisha 89:17

Ndimwe mutupa bulemu ankusu, Munkumbu shanu tulaba ankusu lyoonsebo.

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”