Neyemiya 6:8 - Baibo Busansulushi Bwa Libuku Ili

⁸ Ndakamukumbula ayi, “Makani ngowaamba taapo. Wabumbabo akubumba omwiine.”

Neyemiya 6:8 교차 참조

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Jobo 13:4

Ono mwebo mutoobotesha makani kwiinda mububeshi. Mwebo noonse mulibo bashiliki batakoonshi kushilika muntu.

Milimo ya Batumwi 25:10

Paulo wakakumbula ayi, “Nebo ndisuni kwaamba ayi Sisa muleli munene wa kuLoma aŋomboloshe. Taaku ncendakabishisha baJuda, kweelana ambomwishi mwebo nobeene.

Milimo ya Batumwi 25:7

Ono Paulo ndyaakashika, baJuda bakaswa kuJelusalemu bakamushinguluka akutalika kwaamba shikani shiinji shiloondesha pali nguwe, sombi bakaalilwa kutondesha ayi nshebakalinga kwaamba nshalushinisho.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Kulumbaisha 38:12

Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

Neyemiya 6:7

alimwi wakasala balaluki kwaamba ayi bakwaambilishe kubene Jelusalemu ayi ndiwe mwaami wa cishi ca Juda. Cikani ico cilaakunyumfwika kumwaami wa kuPesha, anu use tubandikile pantu pomwi.”